+

Arctic Film Circle

Jagis 2015 filbadahkkijoavku arktálaš eamiálbmogiid guovlluin čoahkkanii imagineNATIVE Media + Arts -festiváliin ovttasbargat aibbas ođđalagán prošeavttain man ulbmilin lei nanosmahttit oktavuođa arktalaš filbmadahkkiid gaskan. Čoahkkaneamis ledje mielde filbmadahkkit Alaskas gitta Sápmái ja dan boađusin šattai The Arctic Film Circle ja rájálrasttideaddji The Last Walk -filbmaprošeakta. The Last Walk lea oanehisfilbmaráidu, mii muitala mo guokte oappá birgehallaba tragediija maŋŋá. Filbmaráiddus leat golbma veršuvnna muitalusas, man arktalaš filbmadahkkit leat heivehan sin ruoktoguovlluid kultuvrii. The Last Walk filbmaprošeavtta lea ruhtadan ja jođihan Internašunála Sámi Filbmainstituhtta ovttasbarggus Nunavut Film Corporationiin. The Last Walk lea oktasaš eamiálbmogiid muitalus, mas juohke filbma buktá ovdan iežaset guovlluid čehppodaga ja rikkis vuogi muitalit.

Sosiála mediat

SEARVVA DON GE SÁMI FILBMA RÁVDNJEMII WWW.SAPMIFILM.COM