+

Mii leat ohcamin sámi drámáideaid

NRK áigu ráhkadit stuorra drámáráiddu, mii govvida sámi duohtamáilbmi. Leago dus idea? Sáddes dan dákko bokte. 

NRK áigu ovttasbargguin ISFIain ráhkadit sámi drámáráiddu. Dainna galggašeimmet juksat olbmuid viidát. Ráidu govvida dálá sámi duohtavuođa. 

Mihttun lea fidnet áigái njeallje idea, maiguin viidáseappot bargat, ja de buvttadišgoahtit dan buoremusa, mas lea vuosttaščájáhus 2022:s dahje 2023:s. 

Muitalusat fertejit čatnasit sámi kultuvrii ja dálááigái vai ráidu govvidivččii duohtamáilmmi ja dahkkojuvvo ođasmahtti jurdaga mielde. 

Deavdde skovi, mii dás lea vuolimusas. Don sáhtát leat daid gaskkas, geaid mii bovdet bargobádjái Romssa Internašunála Filbmafestivála áigge ođđajagimánus: 

• Gaskavahku ođđajagimánu 16. beaivvi: Ideaovdánahttiid bargobádji 
• Duorastaga ođđajagimánu 17. beaivvi: Buvttadeddjiid seminára 

Jos leat girječálli, de sáhtát bidjat mielddusin drámáevttohusa. Jos leat buvttadeaddji, de čilgestat mii dat lea mii dahká ahte dus lea hállu oassálastit dán seminárii. Áigemearri lea juovlamánu 17. beaivi. Don gulat mis ovdal juovlamánu 31. beaivvi. 

Deaddil dákko dieđihit: 

Govven: Kenneth Hætta

Sosiála mediat

SEARVVA DON GE SÁMI FILBMA RÁVDNJEMII WWW.SAPMIFILM.COM