+
Ođđa ovttasbargu Internašunála Sámi Filbmainstituhtta ja Sundance Instituhta álgoálbmot prográmma gaskal galgá nannet árktalaš álgoálbmot filmma

BERLIN (Guovvamánnu 9, 2019) Internašunála Sámi Filbmainstituhtas lea illu almmuhit, ahte Sundance Instituhta álgoálbmot prográmma (Sundance Institute Indigenous Program) searvá ovttasbargoguoibmin ISFI asáhan AIFF - Árktalaš álgoálbmogiid filbmafondii. Sundance Instituhtta fállá vejolašvuođaid čájehit ja ovdanahttit teáhter-, filbma- ja digitála media bargiid buktagiid, mii šaddá ávkin árktalaš álgoálbmogiid filmma nannemis.

ISFI Direktevra Anne Lajla Utsi ja Sundance Instituhtta álgoálbmot prográmma direktevra N. Bird Runningwater almmuheigga AIFF-ovttasbarggus Sámi resepšuvnnas, mii lágiduvvui bearjadateahkedis European Film Marketis ja 69. Berlinale-filbmafestiváliin. 

Árktalaš álgoálbmogiid filbmafoandda (AIFF) lea iešheanalaš ruhtadan-, ovttasbargobuvttadeami- ja juogadanovttasbargoguoibmi álgoálbmot filbmadahkkiide miehta Árktalaš guovllu. Foandda ulbmil lea ovdanbuktit alla dási árktalaš álgoálbmogiid prošeavttaid ja oktasaš buvttademiid, mat čalmmustahttet álgoálbmot kultuvrraid, gielaid ja servodagaid. 

Sundance Instituhtta lea nonprofit-organisašuvdna, man ulbmil lea doarjut álgoálbmogiid jiena. Sundance Instituhta iešguđetlágan prográmmaid ulbmil lea nannet ja movttiidahttit iehčanas filbmasuorggi, media- ja teáhterbargiid buvttademiid Ámerihka ovttastuvvan stáhtain ja miehtá máilmmi. 

"Mii sávvat Sundance Instituhta buresboahtin filbmafondii, dát ovttasbargu lea stuorra lávki árktalaš álgoálbmot filbmadahkkiide. Sundance Instituhtta lea okta dehaleamos filbmaasáhusain, mii lea juo álggu rájes dovddastan álgoálbmogiid ja sin čehppodaga", lohká ISFI Direktevra Anne Lajla Utsi ja joatká, "mii leat hui movttegat dán ođđa internašunála ovttasbarggus, mainna árktalaš álgoálbmot filbma šaddá boahtevuođas olahit nana sajádaga máilbmeviidosaččat".

GOVVA: Stine Oppegaard / Norwegian Film Institute

Kategoriijat

Sosiála mediat

SEARVVA DON GE SÁMI FILBMA RÁVDNJEMII WWW.SAPMIFILM.COM