Distribušuvdna­doarjja

Dáinna doarjjaortnegiin, mii lea oaivvilduvvon Sámi oanehisfilmmaid, dokumentáraid, guhkesfilmmaid ja ráidduid distribušuvdnii, dáhttu Internašunála Sámi Filbmainstituhtta doarjut ámmátfilbmadahkkiid ja filbmajuogadeddjiid, nu ahte Sámi filbma sáhttá olahit gehččiid miehtá máilmmi.

Ohcci sáhttá leat Sámi buvttadeaddji/filbmajuogadeaddji (filbmadistribuerejeaddji) dahje ovttasbargojoavku fárrolaga ámmátlaš distribušuvdnafitnodagain. Eaktuduvvo ahte buvttadan-/distribušuvdnafitnodat lea oasussearvi (AS, AB, OY). Doarjaga ohcci ja vuostáiváldi ferte leat Sámi buvttadanfitnodat.

Doarjaga vuostáiváldi ferte duođaštit movt ja masa ruhtadeapmi lea geavahuvvon.

ISFI sáhttá juolludit doarjaga jus ohcci ja prošeakta devdet ISFI obbalaš doarjjagáibádusaid. ISFI árvvoštallá prošeavtta oppalaččat prošeavtta dáiddalaš kvalitehta vuođul, ja eavttuid vuođul maid dát njuolggadusat bidjet.

Doarjja lea čadnon sámi kultuvrii ja gillii. Leat čuovvovaš gáibádusat prošeavttaide maid ohcet doarjaga:

• Prošeakta galgá ollásit leat sámegillii.
• Prošeavttas galgá leat sámi fáddá/temá.
• Prošeavttat maid ulbmiljoavkun leat mánát ja nuorat vuoruhuvvojit erenoamážit.
• Filmma váldogiellan galgá leat sámegiella.
• ISFI árvvoštallá deavdá go prošeakta gáibádusaid sámi gullevašvuođa ja sámegiela hárrái.

Distribušuvdnadoarjja máksojuvvo dábálaččat guovtti oasis; vuosttaš oassi go doarjjaoažžu čálalaččat lea dohkkehan doarjjalohpádusa, ja nuppi oasi go ISFI lea dohkkehan dorjojuvvon prošeavtta raporterema.

ISFI doarjjalohpádus lea fámus golbma mánu juolludanbeaivvi rájes. Jus doarjjavuostáiváldi ii leat dohkkehan doarjaga eavttuid golmma mánu sisa, de gessojuvvo doarjja ruovttoluotta almmá dieđu haga.

Distribušuvdnadoarjaga ohcamii ii leat áigemearri ja ohcamušat meannuduvvojit dađi mielde.

Áššemeannudanáigi lea dábálaččat guhta vahkku.

Ovttaskasmearrádusaid maid Internašunála Sámi Filbmainstituhtta dahká sáhttá váidit Norgga Kultur- ja dásseárvodepartementii.

Distribušuvdnadoarjagiidda eai leat ohcanáigemearit ja dáid sáhttá ohcat dárbbu mielde.

Ohcamušat ovdal ođđajagimánu 1.beaivvi 2024 leat ain dan boares ohcanportálas, ja mii eat sirdde dáid ođđa ohcanportálii. Don beasat ain geahččat du ovddit áššiid dan boares portálas, ja dáid áššiid raporteren dáhppáhuvvá maid nu go ovdal. Ođđa ohcamušaid raporteren lea dán ođđa portala bokte.

Jus doarjja máksojuvvo guovtti oasis, de fertet áiggebále raporteret dahje ohcat áigemeari maŋiduvvot.

Ohcamušat sáddejuvvon 2023 ja boarrasit: Raporta sáddejuvvo e-poasttii rapport@isfi.no ja galgá čujuhuvvot doarjaga referánsanummarii.

Mildosat mat galget čuovvut raporterema

• Rehketdoallu
  Rehketdoallu galgá čájehit buot goluid juolluduvvon prošeavttas. Jus raporteret mátkestipeandda anu, de galggat rehketdoalu sajis sáddet guittiid mat duođaštit bušehterejuvvon goluid. Borramuš- ja vuodjingolut eai gokčojuvvo.
• Prošeavtta ruhtadeapmi
  Spesifisere ja čilge buot ruhtadeami prošeavttas ja gii prošeavtta ruhtada.
• Prošeaktarehketdoallu
  Gáibiduvvo dohkkehuvvon revisora rehketdoallodárkkisteapmi jus doarjja lea NOK 200 000 dahje eanet. Muđui galgá rehketdoalli vuolláičállán buot rehketdoaluid.

Váilevaš raporteren / Njuolggadusaid rihkkun

Jus doarjaga vuostáiváldi rihkku doarjjanjuolggadusaid dahje ii raportere ruhtageavaheami, de sáhttá dat čuohcit boahttevaš doarjjajuolludemiide. Rihkkun dán oktavuođas rehkenastojuvvo ISFI njuolggadusaid rihkkumin jus doarjja ii geavahuvvo doarjjaeavttuid mielde ja/dahje jus rihkku dahje ii čuovo ISFI mearrádusa mii lea dahkkojuvvon lága ja/dahje láhkaásahusa olis. Rihkkumiid oktavuođas sáhttá ISFI maiddái válljet bidjat johtui čuovvovaš ráŋggáštemiid:

• Bissehit doarjjamáksima guoskevaš prošektii.
• Bissehit doarjjamáksima doarjaga vuostáiváldi eará prošeavttaide.
• Gáibidit ahte olles doarjja dahje oassi doarjagis máksojuvvo ruovttoluotta.
• Mearridit doarjaga vuostáiváldái gitta 3 jagi errenáiggi, go ii juolluduvvo doarjja.
• Jus lea mearkkašahtti rihkkun, de galgá ISFI dakkaviđe bissehit buot doarjjamáksámušaid guoskevaš prošektii.