Árktalaš álgoálbmot čállinbargobáddji álggáhuvvon

Árktalaš álgoálbmot čállinbargobáddji lea álgán

Árktalaš álgoálbmot čállinbargobáddji dahje Arctic Indigenous Screenwriting Workshop lea dál álgán. Álggáheami doalaid Bird Runningwater ja Suvi West golggotmánu gaskkamuttus neahta bokte. Bargobádji bistá čakčamánu 2025 rádjai.

Stuorra beroštupmi

Lea stuorra beroštupmi searvat bargobádjái, ja ledje 47 ohcci Árktálaš álgoálbmot guovlluin. Dán joavkkus leat 12 oassálasti válljejuvvon. Sii čuvvot mánnosaš deaivvadeemiid čoavvovaš jagi. Deaivvademiid jođihit filbmaealáhusa čeahppit.

Mii leat duhtavačča áŋgirvuođas maid mii vásihat. Lea stuora beroštupmi álgoálbmot muitalusaide, ja olu čállit háliidit muitalit iežaset muitalusaid šerbmii. Dát bargobádji addá juohke áidna čállái bagadallama, nu ahte min vuolggasadji leat smávit joavkkut nu ahte beassat doarjut juohke čálli, muitala bargobáji jođiheaddji Liisa Holmberg.

BARGOBÁJI BIRRA

Bargobáji vuolggasaddji lea mo álgoálbmot muitalanárbevierut sáhttet movttidahttit čállinproseassaid, ja nannet áddejumi filmma muitalandáiddu ja karakterhábmema filmbamuitalusas. Loahpas lea oasseváldis nana muitalus ja álgo čálus.

Dát bargobádji lea oassin Sámi filbmaáŋgiruššamia / Sami Film Initiative / Samisk filmløft.

---

Bargobáji filbmačeahppit

Leat filbmasuorggi áššedovdit geat doaimmahit sešuvnna:
Jođiheaddji: Liisa Holmberg: direktevrra, Arctic Indigenous Film Fund
Kate Leys: Internašunála čálli ja muitalusdoaimmaheaddji, Englánda
Bird Runningwater: Buvttadeaddji/bagadalli, Los Angeles
Suvi West: Čálli/Bagadalli, Sápmi
Gail Maurice: Čálli/Bagadalli, Canada
Nils Gaup: Čálli/Bagadalli, Sápmi
Åse Katrin Vuolab: Čálli/Bagadalli, Sápmi
Jörgen Hjerdt: Čálli, Sweden

---

Ulbmilat

• Oahppat movt álgoálbmot muitalanárbevierut sáhttet movttiidahttit du čállinbarggu.
• Áddegoahtit filbmamuitalusa vuođđojurdaga ja karakteraid ovdáneami.
• Oahppat metodaid ovdánahttit ideaid giehtačállosa dássái.

---

Boađus

Bargobáji loahpas lea oasseváldis nana muitalus, filbmačoahkkáigeassu ja álgo filbma giehtačálus.

---

Jos leat gažaldagat, jea háliidat eambbo dieđuit bargobáji birra, váldde oktavuođa Lisain: 
Liisa Holmberg, CEO, Arctic Indigenous Film Fund
liisa@isfi.no / +47 930 36 145

---

OVTTASBARGOGUOIMMIT

---

RUHTADEADDJIT

Oassi Sámi filbmaáŋgiruššamis/ Sámi Film Initiativ / Samisk filmløft:

Servodatlokten/ Samfunnsløftet ja Seastinbáŋku 1 Davvi-Norga leat juolludant stuora doarjaga Internašunála Sámi Filbmainstituhttii (ISFI) ođđa sámi filmmaide ja TV ráidduide. Sámi filbmaáŋgiruššamii galgá boahtte golmma jagis investerejuvvot oktiibuot 10 miljovnna norgga ruvnnu. Dát čállinbargobáddji lea oassin dás. Loga eanet Sámi filbmaáŋgiruššama birra dás.