Jus leat ohcame vuogas ja čáppa báikki du boahtte filbmabuvttadeapmái, de leat gávdnan dan. Duottar studio lea Guovdageainnus, Davvi Norggas. Duottar Studio lea 3 km olggobealde Guovdageainnu guovddáža. Guovdageaidnu lea kreatiiva Sámi kulturguovddás, gos gávdnojit: Beaivváš Sámi Teahter, festiválat, musihkkabiras ja Dáiddakollektiiva Dáiddadállu. Dáppe lea ráfálaš eallin lahká luonddu birra jagi, ja jus dárbbašat inspirášuvnna, de Duottar Studio lea vuogas báiki dan dáfus. Lea 140 km lagamus girdišilljui Áltái, sullii guokte diimmu ádjána biillain vuodjit, ja dáppe sáhtát orrut min áidná fiinna Thon Hoteallas, dahje Arctic Motell & Camping, Arcitc Adventure dahje Goldinn idjadanbáikkis. Duottar Studios sáhttá maid láigohit čállinlanja min nuppi gearddis.
DUBBEN
Duottar Studio lea profešunála dubben studio ja mii leat dubben máŋggaid filmmaid sámegielaide:
JUNGLE BUNCH WORLD TOUR (2023) – Davvisámegillii dubbejovvon JUŊGELVEAHKA JOHTÁ BIRRA MÁILMMI (2023), buvttaduvvon Duottar Studio bokte ovttasbargguin Another World Entertainmentain.
LUNDEFJELL (2023) – Davvisámegillii dubbejuvvon BOVTTÁŠVÁRRI – LÁHPPON MONNI (2023) – buvttaduvvon Duottar Studio bokte.
KARDEMOMMEBY (2022) – Davvisámegillii dubbejuvvon KARDEMOMME-GÁVPOT (2022) – buvttadeaddji Forest People bokte, buvttaduvvon Duottar Studio bokte.
ULVEVANDRERNE (2022) – Davvisámegillii dubbejuvvon GUMPEHÁMIS (2022)
AINBO – SPIRIT OF THE AMAZON (2021) – Another World Entertainment/Star Media/SDI Media ovttasbargu ja dubben AINBO – AMAZONASA VÁRJALEADDJI davvisámegillii.
MAMMA MU (2020) – SF studios/Bauta Film AB ovttasbargu, gos dubbiimet EANNI MUU sihke davvi- ja lullisámegillii.
FROZEN 2 – (2020) Walt Disney Animation Studios and SDI Media Norway – jođihan Verddet joavkku, geat ledje ráđđeaddit Jikŋon 2 filbmadahkkiide ja ovttasbargan sámegiel veršuvnna dubbema.
SPIRITED AWAY (2019) Studio Ghibli/Cinemamonda and Arthaus – dubben davvisámegillii Chihiro ilmmiid gaskkas.
