Netflix ja ISFI ođđa ovttasbargu SÁMI STORYŽAT LAB
Almmuhuvvon: 02.07.2025
Netflix ja ISFI álggaha ovdánahttinprográmma doarjundihti ođđa sámi filbmadahkkiid
Sámi Storyžat Lab
Netflix ja Internášunála Sámi Filbmainstituhtta almmuha ođđa ovttasbarggu, Sámi Storyžat lab, mii lea oanehisfilmmaid ovdánahttinprográmma oaivvilduvvon doarjut ja nannet ođđa sámi filbmadahkkiid.
Dát prográmma maid Netflix doarju, lea oassin guhkit áigge ovttasbarggu gaskal Internašunála Sámi Filbmainstituhta ja Netflix, ja čájeha oktasaš áigumuša nannet eambbo jienaid davviriikkalaš kreatiivvalaš ealáhusas.
Sámi storyžat bargobádji doarju logi Sámi filbmadahki geat besset ovdánahttit iežaset oanehisfilbmaprošeavttaid. Sii ožžot veahkki hárjánan ráđđeaddiin ja giehtačállinveahkki, Tatino Film doarjagiin.
“Dát addá ođđa Sámi filbmadahkkiide erenoamáš vejolašvuođa ovdánahttit muitalusaid fárrolagaid internašunála ja álgoálbmot čehpiiguin, ja mii atnit hui árvvus Netflix jáhkku álgoálbmotjienaide ja go dahket dán vejolažžan, ja duohtandahkat dán višuvnna» dadjá Anne Lajla Utsi, ISFI direktevrra.
«Mii leat hirbmat rámis go beassat joatkit ja nannet ovttasbarggu Internašunála Sámi Filbmainstituihtain Sámi Storyžat Lab bokte. Dát prográmma speadjalastá min guhkit áiggi áigumuša doarjut ođđa báikkálaš jienaid ja muitalusaid main lea čiekŋalis sajádat báikkiide, kultuvrii ja servvodahkii,» dadjá Jenny Stjernströmer Björk, Nubbin-direktevrra Davviriikkalaš sisdoalus, Netflixas.
Sámi Storyžat Lab, maid Netflixa Creative Equity foanda doarju, lea oassi Netflixa viidát strategiijas, mii galgá nannet regionála taleanttaid ja dagahit ceavzilis ja máŋggabealat kreatiivvalaš vuogádaga Davviriikkain. Ovddeš oahppoprográmmat Netflix ja ISFI ovttasbarggus leat ovddidan sámi buvttadeaddjit, linjábuvttadeaddjit, giehtačálliid, buvttadanjođiheddjiid ja veahkkebuvttadeddjiid.
Sámi Storyžat Lab prográmma álggahuvvo jagi 2025 ja bistá jagi 2016 lohppii. Ohcanáigemearri lea borgemánu 15. beaivvi.
Ohcanáigemearri lea borgemánu 15b, 2025
Ovddit bargobájit ISFI ja NETFLIX ovttasbarggus:
2024: Sami PRODUCER LAB – In Association with EAVE
2023: ISFI x NETFLIX WRITING ACADEMY – In Association with Alma Education
2022: Production budgeting and scheduling workshop