RABAS VIRGI: FILM EXČELERATOR SÁPMI prošeaktajođiheaddji

Rabas virgi: Prošeaktajođiheaddji

FILM EXČELERATOR SÁPMI

Mii ohcat áŋgiris prošeaktajođiheaddji, geas lea váldoovddasvástádus plánemii, čađaheapmái ja prográmma viidáset ovdánahttimii. Prošeaktabargu álggahuvvo nu johtilit go vejolaš ja bistá gitta loahpa 2026 rádjái. Ohcanáigemearri guovvamánu 1.b. 2026.

Sámi filbma- ja TV-ealáhus ovdána johtilit ja oažžu eanet ja eanet riikkaidgaskasaš beroštumi. Doarjun dihte boahttevaš sámi filbmaealáhusa, bargá Internašunála Sámi Filbmaintituhtta (ISFI) ovttas Talent Norggain ja Samfunnsløftet – SeastinBáŋku 1 ovdánahttin- ja talentaprográmmas FILM EXČELERATOR SÁPMI.

---

Prográmma birra

FILM EXČELERATOR SÁPMI  lea heivehuvvon prográmma 15 oassálastiide geat háliidit ovdánahttit iežaset ja bargat profesjonálaččat sámi filbmaealáhusas. Prográmma mihttomearri lea rekrutteret, nannet gelbbolašvuođa, fállat praktihkalaš bargovásáhusa ja movttiidahttit boahttevaš sámi filbmadahkkiid buot filbmaprodukšuvnna rollain.

Prográmma sisttisdoallá:
• Bagadallama hárjánan fagolbmuid ja buvttadanfitnodagaiguin
• Internašunála fierpmádatvejolašvuođaid
• Mákson oahpahalli áigodagaid
• Ollásit gokčojuvvon mátkkiid, iddjademiid ja borramušaid prográmma doaimmaid oktavuođas

---

Barggu čilgehus

Prošeaktajođiheaddjin dus lea ovddasvástádus:
• FILM EXČELERATOR SÁPMI ollislaš prošeaktajođiheamis
• Prográmma doaimmaid plánet, koordineret ja čađahit
• Oassálastiid, mentoriid ja ovttasbargoguimmiid čuovvolit
• Budšehtaovddasvástádusas, raporteren ja dokumenteren
• Ovttasbargu našunála ja internašunála ovttasbargoguimmiiguin
• Prográmma ovdánahttin filbmaealáhusa dárbbuid ja strategiijaid mielde

---

Gelbbolašvuođa maid mii ohcat:

Mii ohcat du geas lea:
• Ámmátlaš alitdási oahppu ja/dahje nana vásáhus prošeaktajođiheamis
• Vásáhus filbma-, TV- dahje kultuvrasuorggis (ovdamunni, muhto ii gáibádus)
• Buorre organisatuvrralaš ja administratiivvalaš máhttu
• Vejolašvuohta bargat iešheanalaččat, struktuvrralaččat ja mearrediđolaččat
• Buorre ovttasbargo- ja relašuvdnačehppodat
• Buorre njálmmálaš ja čálalaš giellamáhttu dárogillii ja eaŋgalasgillii
• Dovddat sámi kultuvrra ja servodaga ja áinnas máhtát sámegiela

---

Persovnalaš iešvuođat

• Áŋgir ja ovdánahttinorienterejuvvon
• Čielga ja luohttevaš jođiheaddji
• Fleksibel ja huŧkái
• Beroštupmi talenttaovdánahttimii ja filbmaealáhussii

---

Mii fállat

• Guovddáš rolla sámi filbmaealáhusa ovdánahttimis
• Mearkkašahtti bargu riikkaidgaskasaš fagabirasas
• Lahka ovttasbargu nana našuvnnalaš ja riikkaidgaskasaš filbmaovddasteddjiiguin
• Gilvovuoimmálaš eavttut šiehtadusa mielde

---

Ohcanáigemearri: 1. guovvamánu 2026

Sádde ohcama e-boastta bokte annelajla@isfi.no, ohcama motivašuvdna, CV ja referánssat.Jus dus leat gažaldagat, váldde oktavuođa direktevrrain Anne Lajla Utsi, annelajla@isfi.no dahje telefuvdna +47 907 555 74

Bargobáiki sáhttá šiehtaduvvot, juogo ruovttukántuvrra dahje Guovdageainnus ISFI váldokántuvrra báikkis.

---

Gova govven Mads Suhr Pettersen, FILM EXČELERATOR SÁPMI vuosttaš bargobájis Guovdageainnus golggotmánus 2025.