SÁMI GUHKESFILBMAPROŠEAKTA: OZA ARCTIC DISCOVERYII

SÁMI GUHKESFILBMAPROŠEAKTA: OZA ARCTIC DISCOVERYII

Leago dus guhkesfilbmaprošeakta ovdánahttimis? Internašunála Sámi Filbmainstituhtta ávžžuha sámi filbmadahkkiid ja buvttadeaddjiid geaiguin lea guhkesfilbma ovdánahttimis ohcat Arctic Discoveryii. Prošeaktamárkan lágiduvvo Romssa internášunála filbmafestivála oktavuođas ođđajagemánu 17.–18. b. 2027.

Dát deaivvadeapmi čohkke Davviriikkaid ja árktalaš guovlluid filbmadahkkiid ja riikkaidgaskasaš ruhtadeaddjiid ja eará filbmasuorggi ovddasteddjiid.

Ohcanáigemearri: golggotmánu 20. beaivi

Loga eambbo Arctic Discovery ohcaneavttuid birra dás.

Sáhttá ohccat guhkes fikšuvdnafilmmaiguin mat leat ovdánahttimis dahje mannamin buvttadeapmái. Válljejuvvon prošeavttat besset ovdanbuktit prošeavttaset (Pitchet), deaivvadit filbmasuorggi ovddasteddjiiguin ja ožžot festivála akkrediterma ja hoteallasaji guovtti oasseváldái. Muitte ohcat mátkedoarjaga min neahttasiiddu bokte buori áiggis ovdal mátkki.

Arctic Discovery birra

Tromssa Internašunála Filbmafestivála lágida Arctic Discovery filbmaealáhus deaivvadeami ovttas ovttasbargoguimmiiguin Arktisk Film Norge, Internašunála Sámi Filbmainstituhta, Suoma Filbmafoandda, VIRKE Produsentforeningen ja Indigenous Screen Office.

Ovddit oasseváldit leat maid leamaš Netflix, Searchlight Pictures, Plan B Entertainment, CAA Media Finance, NEON, FilmNation, Protagonist Pictures, Charades ja XYZ Films ovddasteaddjit.