Bovde SÁMI OANEHISFILMMAID beassášmárkaniidda 2025

Bovde sámi filbmadahkkiid evttohit oanehisfilmmaid Beassášmárkaniidda

Filbmadahki Olena Hætta, ja Sámi Beassášmárkánat Guovdageainnus, bovde sámi filbmadahkkiid evttohit oanehisfilmmaid beassášmárkaniidda. Áigemearri dieđihit filmmaid lea ođđajagimánu 19. beaivvi.

– Mun háliidan čájehit filmmaid iežan ruovttubáikkis Guovdageainnus. Dieđán ahte lea máŋga sámi oanehisfilmma mat leat ráhkaduvvon. Bovden sámi filbmadahkkiid sáddet filmmažiid, ja fáttát sáhttet leat sihke fikšuvdna ja dokumentára, ja filmmas sáhttá leat sámegiella dahje sámi fáddá, dadjá beassášfestivála filbmaprográmma álggaheaddji Olena Hætta.

Áigemearri evttohit filmma lea ođđajagimánu 19.b
• Áigemearri: Sotnabeaivvi, ođđajagimánu 19. b
• Geasa: Sádde oanehisfilmma njuolga Olena Hætta dán siiddu bokte.

Váldde njuolga oktavuođa Olena Hættain jos háliidat eanet dieđuid prográmma birra.

Čájehanáiggit beassážiid
• Dáhton: Maŋŋebárgga, cuoŋománu 15 beaivvi 2025
• Gos: Guovdageaidnu, Sámi Beassášmárkaniid oktavuođas
• Áigi ja báiki almmuhuvvo maŋŋá.

Olena Hætta birra
Olena Hætta lea Ávžžis eret Guovdageainnus. Sus lea Bachelor Filbma ja TV Produkšuvnnas Nord Universitetas. Son lea maŋimuš áiggi bargan stuorra sámi tv-ráidu ja filbmabuvttademiin nu go Heajasttallan ja Árru. Farga son bargagoahtá ođđa guhkesfilmmas Förbannelsen / The Curse. Olena leamaš maid oahpahalli NRK tv-ráiddus Rykter, ja lea ráhkadan máŋga oanehisfilmma.

Eanet dieđut Sámi beassášmárkaniid birra gávnnat dás.

Govva ISFI bokte: Olena Hætta, Heajastallan báddema oktavuođas giđa 2024.