BAAJH VAERIDE ÅRRODH MÁILMMI PREMIEÁRA CPH:DOXas

BAAJH VAERIDE ÅRRODH / ELLOS VÁRIT OAŽŽU MÁILMMI PREMIÁRA CPH:DOXas

Dokumentára Baajh vaeride årrodh, čájehuvvo vuosttaš gearddi CPH:DOX Københámmanis, Dánmárkkus (11.-22 b. njukčamánus). Dokumentára gilvala maid davviriikkalaš Nordic:Dox, davviriikkalaš dokumentárafilmmaid gaskka, ja Human:Rights bálkášumis. Dokumentára bagadalli lea Håvard Bustnes, ja dokumentára lea čállon ja buvttaduvvon ovttas Kati Erikseniin ja Johannes Vangain.

Dokumentára čuovvu proseassa go boazodoallit vuitet Alimusrievttis Eurohpá stuorámus bieggamillofápmo huksejeaddji fitnodagaid vuostá – muhto go stáhta ii dáhto dahkat maidege, de sin dáistaleapmi čájeha čiekŋaleappot vuoigatvuođa rihkkumiid. Let the Mountains Live dokumentára čuovvu váikkuhusaid boazodollui, riekteproseassas ja dan dáistaleami mii dan oktavuođas čuožžilii.

BAAJH VAERIDE ÅRRODH BIRRA

Guoktelot jagi leat Sissel Stormo Holtan ja Terje Haugen dáistalan gáhttet sin guohtuneatnamiid Eurohpa stuorámus bieggafápmoprošeavtta vuostá. Vaikko sii vuostálaste, de Norgga stáhta attii lobi hukset 151 stuora bieggamillo Fosena váriide ovdal go riektegižžu lei oba loahpahuvvon ge.

Loga eambbo filmma birra CPH:DOX bokte dás.

Namma: La fjella leve (No) / Baajh vaeride årrodh (Åar) / Ellos várit (Dav) / Let Our Mountains Live (Eng) | Guhkkodat: 100 min |  Bagadalli ja buvttadeaddji: Håvard Bustnes (Up North) | Čállit: Håvard Bustnes, Johannes Vang, Kati Eriksen | Mielbuvttadeaddjit: Johannes Vang (Aurinko Film), Kati Eriksen (Home River Media) | Outreach buvttadeaddjit: Torstein Parelius, Christian Dyresen | Filbmen: Łukasz Zamaro, Åsmund Hasli, Maja Holand, Bjørn Ánte Røe, Ask G. Jacobsen | Čuohppi: Anders Teigen | Sound Designer: Micke Nyström | Šuokŋa: Jonas Colstrup

CPH:DOX BIRRA

CPH:DOX, Copenhagen International Documentary Film Festival, lea okta máilmmi dehálamos dokumentárafilbmafestiválain. Festivála lea stuorámus Skandinávias, ja lágiduvvo Københámmanis, Dánmárkkus, njukčamánu 11. beaivvis njukčamánu 22. beaivái. Diimmá festivála olahii 150 000 geahčči, ja das ledje badjelaš 2000 guossi filbmaealáhusas. Lassin filbmačájálmasaide, lágida CPH:DOX maiddái riikkaidgaskasaš dokumentárasuorggi ealáhusa dáhpáhusaid, digaštallamiid ja fágalaš forumaid. Festiválas leat badjel 200 iešguđet dokumentárafilmma ja 550 čájálmasa. Festivála lea maid deaŧalaš báiki gos ruhtadeaddjit ja mielbuvttadeaddjit deaivvadit, CPH:Foruma bokte, mii lea festivála ovdánahttinprošeavttaid várás.

Dokumentára, Aurinko Film AS bokte, lea ožžon oktiibuot 600 000 ruvnno buvttadan- ja distribušuvnna doarjaga Internašunála Sámi Filbmainstuhtas.