NRK HÁLIIDA DEAIVAT DU: Searvva Heajastallama čeakŋudeapmái
Almmuhuvvon: 12.03.2025
Deaivvat NRK:in Guovdageainnus –
Čiekŋudeapmi Heajastallan tv-ráidui
Drámaráidu Heajastallan / A Sami Wedding galgá čájehuvvot NRK:s fargga, ja lea jo ožžon olu fuomášumi internášunála TV-márkaniin. Åse Kathrin Vuolab lea ráiddu čálli ja co-bagadalli ja ráiddu buvttadeapmi lea ovttasbargu gaskal Merfilm, Tordenfilm ja Forest People.
Ávvudit ja oahppat dán proseassas, de bovde ISFI ja NRK olles Sámi filbma ja tv-industriija erenoamáš bargobádjái Guovdageidnui cuoŋománu 6.-7b. Bargobáji vuolggasadji lea muitaleapmi, ovttasbargu ja Sámi muitalusaid boahtteáigi šearpmas.
Searvva don ge ja suokkar fárrolagaid NRK:in Sámi muitalusaid. Dát deaivvadeapmi buktá erenoamáš vejolašvuođaid deaivvadit tv- ja filbmaealáhusain ja ságastallat dáid fáttáid:
- Mo lea ovttasbargat NRK:in?
- Mii lea NRK višuvdna Sámi muitalusaid ektui?
- Mo sáhttit ovttas nannet Sámi muitalusaid?
Jos áiggut searvat de fertet dieđihit iežat. Dieđiheami áigemearri lea cuoŋománu 1.b 2025.
PROGRÁMMA
Sotnabeavvi, Cuoŋománu 6.b., 2025, Guovdageaidnu
18:00 – 20:00 | Erenoamáš ovdačájáhus Heajastallan ráiddu guokte vuosttaš episoda. Ferte dieđihit ja bovdejuvvot čájáhussii.
Vuossárgga, Cuoŋománu 7.b, 2025, Guovdageaidnu
10:00 – 17:00 | Olles beavvi bargobádji seminára
VUOSSÁRGA I CUOŊOMÁNU 7.B
Olles dát bargobádji lea eaŋgalasgiilli. Bargobádji lea maid oassin Arctic Indigenous Screenwriting Workshopas.
Vuosttaš oassi – Inside the Story
Mii čiekŋudat Heajastallamii. Ráiddu ráhkadeaddji Åse Kathrin Vuolab muitala čállinproseassas, karakteraid ovdáneamis ja muitalusa narratiivalaš váljemiid birra. Dasto čuovvoluvvo dát oassi joavkobargguin.
Nubbi oassi – Scene Breakdown
Čálli guovttos Åse Kathrin Vuolab ja Jørgen Hjerdt ságastallaba Jan Ødegårdstuen (NRK), ja čiekŋudit válljejuvvon osiide.
Goalmmát oassi – Understanding NRK Drama
Marianne Furevold, NRK Drámá jođiheaddji, muitala movt NRK Drámá doaibmá ja maid NRK ohcá ođđa prošeavttain.
Njealjját oassi – Strengthening Sámi Storytelling for TV
Panelaságastallan industriija ovttasbarggu birra main ISFI, NRK Drámá, NRK Sápmi, Forest People ja YLE leat mielde. Moderator: Liv Inger Somby.
Viđát oasis – Speed Dating with NRK and YLE
Fierpmádatvejolašvuohta: Dás beassá deaivvadit njuolga dehálaš mearrideddjiiguin sihke NRK:s ja YLE:s.
Mii fállat beaiveboradeami. Bargobáji báiki almmuhuvvo maŋŋá. Mátki ja orruma ferte ieš háhkat. Lea vejolaš ohcat mátkestipeandda ISFI ohcanportála bokte.
EANET HEAJASTALLAN / A SAMI WEDDING BIRRA
Garen, Sámi servodaga hierarkiija vuolimuččas, oaidná bárdni vihaheami vejolašvuohtan loktet iežas stáhtusa. Muhto sáhttágo son ovttastahttit oappáidis ja plánet earenoamáš árbevirolaš Sámi heajai vai šaddá go dat dušše moivi?
Sáttamedia: NRK Šaŋŋer: Dráma Guhkkodat: 8×30’ Buvttadanfitnodat: Mer Film, Tordenfilm and Forest People Buvttadeaddjit: Maria Ekerhovd, Nina B. A. Figenschow, Eric Vogel, Lisa Kristensen, Per Josef Idivuoma Bagadallit: Åse Kathrin Vuolab (series creator and director), Pål Jackman (conceptual director) Čállit: Åse Kathrin Vuolab, Jörgen Hjerdt, Pauline Wolff Čájehuvvo: 2025 Davviriikkalaš vuovdin: Mer Film/Tordenfilm/NRK Internášunála vuovdin: REinvent International Sales
DIEĐIHEAPMI:
OVDAL CUOŊOMÁNU 1. B, 2025
Dát bargobádji lea filbma- ja tv-ráidu dahkkiide, sisdoallobuvttadeddjiide ja buvttadeddjiide geat háliidit eanet sámi muitalusaid šerbmii. Mii illudit deaivvadit duinna Guovdageainnus! Bures boahtin!
Oktavuohtadiehtu:
Internašunála Sámi Filbmainstituhtta
Eva Måsø
eva@isfi.no / +47 975 60 589
Gullahallankonsuleanta