Oahpahallan­sajit

ISFI fállá máŋggalágan oahppanvejolašvuođaid nannendihte Sámi muitaleddjiid. Hárjehallanprográmmaid bokte ožžot oahpahallit vásáhusaid, ja dáinna mii movttiidahttit boahtte buolvva Sámi filbmabargiid - juohke dásis filbmabuvttadeamis.

Bargagoađe filbmaealáhusas

Bargobájit

Internašunála Sámi Filbmainstituhtta bargá Sámi filbmaealáhusa gelbbolašvuođaloktemiin ja mii fállat kurssaid ja bargobájiid iešguđet surgiin. Lea vejolaš váldit minguin oktavuođa jus lea earenoamáš kursa maid ohcalat.

ráđđeaddit

Internašunála Sámi Filbmainstituhtta fállá meantorveahkki filbmabuvttadeamis. Das rájes go ISFI lea ásahuvvon, leat mii oaidnán man ávkkálaš fágačeahppi veahkki lea filmmaid ovdánahttimis. Dás vuolábealdi leat filbmafágalaš čeahppit geat doibmet ráđđeaddin filbmabargobájiin maid ISFI doallá. Jos dárbbašat ráđđeaddis veahkki, váldde oktavuođa minguin.

Ámmát: Bagadalli

Nils Gaup lea beakkán sámi filbmabagadalli, gii bagadalai Oscar nammaduvvon "Ofelaš" filmma 1987:s. Son lea maid bagadallan ollu eará guhkesfilmmaid ja ráidduid, nugo Guovdageainnu stuimmit (2008). Niillas lea viššalit rávven sámi filbmadahkkiid dan rájes go ISFI álggahuvvui.

Ámmát: Bagadalli ja čálli

Amanda Kernell riegádii 1986 Ubmis, Ruoŧas. Son lea čađahan bagadallioahpu Dánmárkku filbmaskuvllas. 2006 rájes lea son bagadallan máŋga bálkášuvvon oanehisfilmmaid. Su vuosttaš guhkesfilbma lea SAMI BLOOD mas lei vuosttaščájáhus 2016:s. Filbma lea dan maŋŋá vuoitán badjel 30 bálkkašumi. Amanda nubbi guhkefilbma lea CHARTER (2020).

Ámmát: Bagadalli ja čálli

Doavtter-Piera Suvi Máret lea mángii bálkašuvvon filbmabagadalli ja giehtačálli. Jagis 2023 Suoma filbmabagadalliid searvi váljjii su Jagi bagadallin. Seamma jagi oaččui Skábmagovat-bálkašumi eallinbarggustis sámefilmma ovdii. Westis lea mágisttar-dutkos Suoma filbmaskuvllas Aalto universitehtas.

Ámmát: Bagadalli, čálli ja govvejeaddji

Ann Holmgren Aurebekk lea sámi bagadalli, čálli ja govvejeaddji. Son guorahallá sámi kultuvrra ja eksistensiella fáttá dokumentáras, oanehisfilmmain ja 360° formáhtas. Su filbma Ovias lei oassin ÁRRAN 360° La Biennale di Venezia čájáhusas. Son lea dál ovdánahttimin vuosttaš guhkesfilmma Porslin.