10 MILJOVNNA NOK SÁMI FILMMAIDE!

HISTORJJÁLAŠ VUORUHEAPMI

Servodatlokten/ Samfunnsløftet juolludit stuora doarjaga Internašunála Sámi Filbmainstituhttii (ISFI) ođđa sámi filmmaide ja TV ráidduide. Sámi filbmaáŋgiruššamii galgá boahtte golmma jagis investerejuvvot oktiibuot 10 miljovnna norgga ruvnnu.

Mii oaivvildit ahte lea dehálaš doarjut Sámi filbmaáŋgiruššama dál, dát oažžu nana váikkuhusaid filbmabuvttadeapmái boahttevaš jagiin. Servodatloktema bokte háliida SpareBank 1 Davvi-Norga ovddidit identitehta ja gullevašvuođa Davvi-Norgii, ja buoremus vuohki muitalit dáid muitalusaid lea go dahkko davvin. Sámi perspektiiva lea lunddolaš oassin dás, dadjá Hanne Karoline Kræmer, SpareBank 1 Davvi-Norgga jođiheaddji.

Konkrehta doaibmabijut

Báŋkku ákkastallamis deattuhit man deaŧalaš lea konkrehta doaibmabijuiguin dustet duohtavuođa- ja soabahankommišuvnna raportta. Sii sávvet ahte eanet aktevrrat dovdet dan guovddáš rolla mii sámi filmmas lea vejolaš soabadanproseassas.

Maŋimuš jagiid lea sámi filbma ovdánan mearkkašahtti láhkai, go leat leamaš stuora filmmat ja ráiddut mat vaikkuhit ja čuhcet almmolašvuhtii. Filbmavásáhusat maid mii juogadit sáhttet leat vuođđun ođđa reflekšuvnnaide ja ipmárdussii, ja nu dat leat hui deaŧalaččat soabadanproseassas, muitala Kræmer.

Internašunála momentum

Internašunála Sámi Filbmainstituhtta lea ilus SpareBank1 Davvi-Norga vuoruheapmái:

10 miljovnna ruvdno servodatloktemis lea duođai jáhkemeahttun, ja mii leat hirbmat duhtavaččat dáinna ovttasbargguin! Dát investeren lea midjiide historjjálaš lassáneapmi, mii addá vejolašvuođa ráhkadit ollu ođđa sámi filmmaid ja TV-ráidduid boahttevaš jagiin, dadjá Anne Lajla Utsi, Internášunála Sámi Filbmainstituhta direktevra.

Utsi deattuha man deaŧalaš lea ahte sámi servodagas lea doarvái ruhta álggahit stuorát prošeavttaid ja ruhtadit daid:

Stuora buvttadeamit leat vuođđun ekonomalaš ceavzilis boahtteáigái filbmasuorgái dáppe davvin. Danin lea dát doarjja Servodatloktemis hui deaŧalaš midjiide, dál go lea áigi goas sámi filmmain lea nana momentum internašunála dásis. Mis lea stuorra doaivva boahtteáiggi ektui!

Sámi filmmaid servordatlokten almmuhuvvo ÁRRAN 360 2.0:in oktavuođas Bådåddjo 2024 rahpamis lávvardaga guovvamánu 3. b, Folkets Hus.