OAHPES BAHÁ vuosttaš čájáhus Tromssa Internašunála Filbmafestiválas

OAHPES BAHÁ MÁILMMI VUOSTTAŠ TIFFAS

Oanehisfilbma Oahpes Bahá, maid Vegard Bjørsmo ja Silje Bürgin-Borch leaba bagadallan, čájehuvvui vuosttáš gearddi Tromssa Internašunála Filbmafestiválas gaskavahkku ođđajagimánu 15. beaivvi. 

Oanehisfilbma čatnása Oro Jaska drama ráidui, maid dál sáhttá ge geahččat NRKas, SVTas ja YLEs. Oahpes Bahá lea báddejuvvon ovdal Oro Jaska tv-ráiddu.

Lea ain vejolaš oadnit filmma Tromssa Internašunála Filbmafestiválas.

Čájehanáiggit TIFFas – Shorts 2

• Duorastaga ođđajagimánu 16. b – 13:45
• Lávvordaga ođđajagimánu 18. b – 11:00

Eanet Oahpes Bahá birra

17-jahkásaš Elli Anne, Kárášjogas eret, sávaldagat ja niegut biddjojit geahččalusa čađa. Oahpes Bahá guorahallá olggobeal govvideami sámi kultuvrras ja siskabeal vásáhusa. Man guhkká nagoda Elli Anne dorvvastit iežas niehkosápmái?

Bagadallit: Silje Bürgin-Borch, Vegard Bjørsmo
Buvttadeaddjit: Silje Bürgin-Borch, Signe Åhren
Jahki: 2025
Guhkodat: 12m
Neavttárat: Eila Ballovara Varsi, Kátjá Rávdná Broch Einebakken, Vegard Bjørsmo, Ole-Gabriel Buljo
Giella: davvisámegiella

ISFI lea dorjon Oahpes Bahá.