GIELLAVAHKKU 2026: DENALI MOLLY SÁPMIFILMMAS

GIELLAVAHKKU 2026: DENALI MOLLY SÁPMIFILMMAS

Molly ja Denali mánáidfilmma sáhttá geahččat sapmifilm.com:s golggotmánu 19. beaivve rájes, Giellavahku 2026 oktavuođas. Dát lea vuosttaš guovtti filmmas mat dál almmuhuvvojit davvisámegillii.

Molly ja Denali

Filmmas Molly ja Denali beassat čuovvut Molly go son oažžu diehtit ahte su áddjá háliidivččii goargŋut Denali vári Walter Harper gudnin, gii lei vuosttaš Alaska álgoálbmot gii dan dagai. Earát dadjet Molly lea menddo nuorra searvat dakkár ekspedišuvdnii, nu ahte Molly ja su buoremus ustit Tooey vuolgiba eará mátkái.

Sámegielat jienat

Davvisámegielat jienat leat earet eará Ada Sofie Mienna Halvorsen (Molly), Esaija Valio Länta (Tooey) ja Ejla Nilsdatter Hætta (Trini) bokte. Filmma lea Berit Margrethe Oskal jorgalan davvisámegillii. Dubbema lea Morten Hyld Pettersen bagadallan, ja buvttadeapmi lea Duottar Studio bokte.

Denali Molly universa

Molly of Denali lea buvttaduvvon TV-ráidun 2018:is, ja leat maid ráhkaduvvon guokte sierra filbmaveršuvnna, mat dál leat dubbejuvvon davvisámegillii. Molly of Denali lea maid viidát oahpahan universa mii lea vuođđuduvvon eamiálbmotkultuvrii ja árgabeaivái. TV-ráiddu máilmmis leat maid pedagogalaš appat ja oahppodoaimmat. Prošeakta lea ráhkaduvvon ovttasráđiid Alaska Native kulturkonsuleanttaiguin ja dasa leat searvan álgoálbmotčállit, neavttárat, dáiddárat ja buvttadeaddjit. Loga eambbo dás.

Geahča Denali Molly Sápmifilmmas

Denali Molly filmma oainnát dušše sapmifilm.com:as golggotmánu 19. beaivvi rájes. Sápmifilm lea rávdnjen bálvalus ISFI bokte. Das oainnát sihke sámi ja eará eamiálbmogiid guhkesfilmmaid, dokumentárafilmmaid, oanehisfilmmaid ja mánáidfilmmaid. Ulbmil lea dahkat sámegielat filmmaid eanet olámuttus gehččiide miehtá Sámi ja maiddái Sámi olggobealde.