Mátki

Stipeandda sáhttá ohcat go áigu oassálastit kurssaide, ruhtadanforumiidda, filbmamárkaniidda, festiválaide, bálkkašumiid juohkindoaluide dahje filbmakultuvrralaš doaluide iežas prošeavttain.

• Olbmot geat barget ámmátlaččat audiovisuála suorggis / speallosuorggis.
• Buvttadeaddji, mielbuvttadeaddji, bagadalli dahje giehtačállosa čálli gii atná iežas sápmelažžan dahje lea sámegielat.

Jus galgá oažžut doarjaga ISFI:s, de ferte sihke ohcci ja prošeakta deavdit ISFI oppalaš eavttuid.

Don sáhtát ohcat doarjaga oassálastit kurssaide, ruhtadanforumiidda, festiválaide, bálkkašumiid juohkindoaluide dahje filbmakultuvrralaš doaluide iežat prošeavttain.

Jus leat mátkkošteamen sisriikkas, de sáhtát ohcat eanemustá 10 000 Norgga ruvnno doarjjan. Olgoriikkamátkkiide juolluduvvo eanemustá 20 000 Norgga ruvnno.

Ohcci galgá sáddet ohcama unnimusat mánu ovdal mátkki.

Buot goluid galgá duođaštit guittiiguin raporterema oktavuođas. Borramuš- ja vuodjingolut eai gokčojuvvo. Dáid sáhttá merket iežasoassin ohcamis.

Golut maidda dárbbašat guitte:

• Orrun
• Girdibileahtat ja kollektiiva fievrrideapmi
• Dokumentašuvdna / guite máksojuvvon oassálastimis ovdamearkka dihte kursii, festiválii dahje eará doaluide

Bija raporterema oktavuođas mielddusin buot eará guittiid mat duođaštit goluid.

Mátkestipeanddas ii leat ohcanáigemearri ja ohcamat meannuduvvojit dađistaga.