RABAS VIRGI: Filbmakonsuleanta

Mii ohcat ođđa filbmakonsuleantta ollesáiggevirgái

Háliidatgo veahkehit sámi filbmadahkkiid joksat muitalusaigun gehččiid miehtá máilmmi ja seammás váikkuhit sámi filbmaealáhusa ovdáneapmái? Internašunála Sámi Filbmainstituhtta ohcá filbmakonsuleantta njealji jagi áigodahkii ollesáigásaš virgái.

Filbmakonsuleanta virgi lea guovddáš filbmafágalaš virgi ISFIas. Filbmakonsuleanta gulahallá sámi filbmadahkkiiguin ja ovddasta ISFI filbmafágalaš máhtu olggosguvlui ja siskkaldasat min teamas. Filbmakonsuleanta virgi lea deahálaš ISFIa ja maiddái sámi filbmaealáhusa ovdánahttinbarggus.

Ohcanáigemearri: Golggotmánu 18 beaivvi 2026

OZA DÁL

---

Filbmakonsuleantta váldobarggut

• Árvvoštallat ja gieđahallat buot filbmadoarjjaohcamiid min ohcanportálas ja mearridit dáid ovttas direktevrrain, ISFI hálddáhusjođiheddjiin ja stivrrain.
• Sihkkarastit buoremus ovdanahttima filbmaprošeavttain mat leat ožžot ISFIas doarjaga, filbmafágalš rávven ja gulahallan filbmadahkkiiguin.
• Rávvet ja doalahit oktavuođa sámi ja álgoálbmot filbmabuvttadan birrasiiguin.
• Oasálastit ISFI teamain ja sámi filbmadahkkiiguin našunála ja internašunála filbmaealáhusa dáhpáhusain ja filbmafestiválain.
• Aktiivvalaččat nannet sámi filbmadahkkiid vejolašvuođaid mat gávdnojit sihke sámi ja internašunála filbma ealáhusas ovttas ISFI teamain.

 

Gean mii ohcat

• Bures hálddašat davvisámegiela, ovtta davviriikalaš gielain ja eŋgelasgiela sihke njálmmálaččat ja čálálaččat.
• Dus berrešii leat bachelorgráda filbmafágas dahje dramaturgiijas, dahje vuđolaš bargohárjáneapmi filbmabarggus dahje sullásaš suorggis (teáhter-dahje girjjálašvuođa bargohárjáneapmi sáhttá árvvoštallot)
• Buorit gulahallanattáldagat sihke čálálaččat ja njálmmálaččat.
• Sáhtát bargat iešheanálaččat ja maid joavkkus.
• Hálddašat administratiivvalaš áššegieđahallama ja áigemeriid
• Beroštupmi filbmaealáhussii ja dan deahálaš sajadahkii servodagas.
• Vejolašvuohta johtit dárbbu mielde, maiddái internašunála máŧkit.

 

Maid mii fállat dutnje

• Vejolašvuođa bargat guovddáš virggis ISFIas, mii ovdána leahtuin ja mas lea dehálaš sámi servodatdoaibma.
• Vejolašvuođa váikkuhit ja hábmet sámi filbmaealáhusa positiivvalaš ovdaneami.
• Movttiidahtti sámegielat bargobirrasa, gos guovddáš árvvut leat positivitehta, ovttasbargu, innovašuvnda ja áŋgirvuohta.
• Barggu innovatiiva sámi ja internašunála filbmasuorggis.

 

Virggi birra

Virgi lea 4 jahkái, muhto áigodat sáhttá guhkiduvvot.

Bálká: Šiehtaduvvo.
Bargosadji: Guovdageaidnu dahje dárbbu mielde sáhttá maid šiehtaduvvot eará.
Mii sávvat ahte don sáhtat álgit ođđajagimánus 2027.

ISFI ulbmilat, loga eambbo dás.

Ohcanáigemearri: Golggotmánu 18 beaivvi 2026

---

Mo don ozat

Sádde du ohcamuša, CV ja referánssaid dán skovi bokte. Dát skovvi lea ráhkaduvvon danin vai ISFI hálddáhus sáhttá gieđahallat ohcamušaid njuovžilis lági mielde.

MANA SKOVVÁI DÁS

Jos leat gažaldagat virggi birra, váldde oktavuođa: Anne Lajla Utsi, ISFI Direktevrra, annelajla(at)isfi.no / +47 907 55 574.

Jos leat gažaldagat skovi birra, teknihkkálaš váttisvuođat, dahje jos don háliidat sihkkut ja geassádit ohcanproseassas, váldde oktavuođa: Eva Måsø, gulahallankonsuleanta, eva(at)isfi.no.

---

Bures boahtin ISFI:ii

Internašonála Sámi Filbmainstituhtta bargá nannet, ovddidit ja oainnusin dahkat sámi filmmaid ja audiovisuála muitalusaid, sihke nationála ja riikkaidgaskasaš dásis. ISFI atná árvvus máŋggabealatvuođa ja háliida fátmmasteaddji bargodili. Mii ávžžuhit buot gelbbolaš ohcciid ohcat.

Háliidat go don geavahit iežat vásáhusaid ja gelbbolašvuođa ja leat mielde hábmemin sámi filmmaid hirbmat buori ovdáneami? Mii illudit gullat dus eambbo!