NORDIC FILM DAYS LÜBECK ovdanbuktet Anne Lajla Utsi Homage-prográmma

SÁMI FILBMA LEA GUOVDDÁŽIS LÜBECKIS

Mo sáhttá válljet dušše vihtta filmma muitalit filmmakultuvrra historjjá, mii lei máŋggaid logijagiid measta oaidnemeahttun, muhto mii dál oažžu riikkaidgaskasaš fuomášumi? Dát lei hástalus, maid Anne Lajla Utsi válddii vuostá. Son oažžu dán jagi Nordic Film Days Lübeck festivála gudnebálkkašumi Honorary Award. 

Nordic Film Days Lübeck ovdanbuktá Homage-prográmma, maid Anne Lajla Utsi lea kurateren. Internášunála Sámi Filbmainstituhta jođiheaddji čilge iežas válljen viđa filmma bokte sullii njeallje logijagi sámi filmma historjjás. Filmmat čájehuvvojit festiválas skábmamánu 4.–8. beivviid 2026. Homage lea oassi festivála viidát Sápmi-čalmmusteamis, mii boahtá oidnosii máŋgga prográmmaoasis ja dáhpáhusas.

Juohke válljejuvvon filbma čájeha dehálaš ovdáneami sámi filmmas. Ovttas dat muitalit dát mo filmmakultuvra man muitalanvuogit ledje guhká dulbmojuvvon, lea ovdánan internašunála fuomášuvvon filbmasuorgin. Filmmat gieđahallet sihke giela ja kultuvrralaš identitehta ruovttoluotta váldima, ja dálá politihkalaš ja servodatlaš gažaldagaid.

Anne Lajla Utsi muitala válljemis ná:

Anne Lajla Utsi, puts it this way,

“Ovttas dát vihtta guhkesfilmma čájehit filmmakultuvrra historjjá, mii fertii máŋggaid jagiid rahčat beassat oidnosii, muhto mii dál muitala iežas muitalusaid iešluohttámušain. Filmmat ovddastit iešguđet buolvvaid, geahččanguovlluid ja dáiddalaš ovdanbuktinmálleiid, ja čájehit man ealli ja máŋggabealat sámi filbma lea odne.”

Nordic Film Days Lübeck dáiddalaš jođiheaddji Hanna Reifgerst lasiha:

“Homage ii leat nostalgiijai vuođđuduvvon retrospektiiva. Dat čájeha baicce, mo kultuvrras, mii lei guhká marginaliserejuvvon, lea šaddan ealli filmmasuorgi, mii oažžu fuomášumi miehtá máilmmi. Anne Lajla Utsi válljen ii danne geahča dušše maŋos, muhto addá álbmogii vejolašvuođa ipmirdit, manne sámi filbma lea dál deháleabbo go goassige ovdal.

omage-prográmma vihtta filmma leat Pathfinder (Nils Gaup, 1987), Sámi Blood (Amanda Kernell, 2016); Rádji (John Erling Utsi, 2021), Je’vida (Katja Gauriloff, 2023), ja Máhccan/Homecoming (Suvi West ja Anssi Kömi, 2023). Loga olles preassadieđáhusa ja oahpásmuva filmmaide Nordic Film Days Lübeck neahttasiiddus.

---

Nordic Film Days Lübeck

Nordic Film Days Lübeck lágiduvvo skábmamánu 4.–8. beivviid 2026. Festivála lágiduvvui vuosttaš geardde 1956 ja gullá máilmmi guhkimus áiggi doaimmahan filbmafestiválaid searvái. Dat lea stuorra álbmotfestivála ja dehálaš deaivvadanbáiki Duiska ja Eurohpá filbmasuorgái, mas čájehuvvojit davvi ja nuortadavvi Eurohpá filmmat. Lübeck gávpot lágida festivála ovttas Davviriikkaid filbmainstituhtaid ja filbmafoanddaid, ja Baltia riikkaid filbmaásahusaiguin.

---

Govva lea Ofelašfilmmas (1987), maid Nils Gaup bagadalai.