Árktalaš Álgoálbmot Filbmačállit čoahkkanan Guovdageidnui

ČOAHKKANAN ČÁLLIT ÁLGOÁLBMOT GUHKESFILMMAID

Árktalaš Álgoálbmot Čállinbáji oasseváldit čoahkkanedje Guovdageidnui vahkkosaš deaivvadeapmái cuoŋománus. Dát bargobádji lea oassin nannet álgoálbmot muitalusaid ealligovas ja nannet ođđa jienaid árktalaš guovlluin. Bargobádji álggi golggotmánus 2024 ja bistá jagi. Deaivvadeamit leat sihke neahta bokte ja čoahkkanemiid bokte.

Bargobáddji lea ovttasbargu gaskal Internašunála Sámi Filbmainstituhta ja Arctic Indigenous Film Fund (AIFF). Lei stuorra beroštupmi bargobáddjái, ja čállinbáddjái ledje 47 ohcci oktiibuot olles Árktalaš álgoálbmot guovlluin.

Árktalaš filbmaservvodagas leat ollu muitaleaddjit geat leat gergosat ealáskahttit jienaideaset. Fágačehpiid doarjagiin, oasseváldiin lea dál vejolašvuohta hábmet nana ealligova muitalusaid, dadjá báji koordináhtor ja AIFF jođiheaddji Liisa Holmberg.

Guoktenuppelohkái oasseváldi

Leat guoktenuppelogis geat leat beassan bargobáddjái searvat dán jagi, ja oasselástit ožžot maid čuovvoleami filbmafágalaš ráđđeadiin. Bargobáddji bistá jagi, ja lea sihke neahta bokte ja deaivvademiid bokte. Kárášjohkalaš Saia Stu­eng lea okta oasseváldiin, ja son lea ovdalis čállán guokte nuoraidromána, Hamburgerprinseassa. Son lea dál doavttergrádahas Sámi Allaskuvllas.

Go čállá filmmaid de ferte muitit mii lea dan njeallječiega siste, ja maiddái dan maid olmmoš oaidná ja gullá, dan sajis go dan maid lohká. Lea hui somá oahppat daid koansttaid ja daid vugiid mo čállit filmma, dadjá Saia Stueng.

Juohke oasseváldi searvá čállinbargobáddjái iežas guhkesfilmmain. Dáinna guhkesfilbmajurdagiin besset oasseváldit bargat olles jagi.

Mu guhkesfilbma lea internáhtaeallima birra, ja mo mánát hirbmadit balle doppe. Maid ballu dagai daid sámemánáide geat biddjojedje dohko, ja mo dát sáhttá čuohcat boahttevaš buolvvaide. Mun serven čállinbáddjái danne go mu mielas lea dehálaš ahte mii ieža muitalat iežamet muitalusaid, erenoamážit sámegillii, ja mus lea hui miella oahppat eambbo filbmačállima birra, dadjá son.

Bargobáddji vuolggasadji lea mo álgoálbmot muitalusaid árbevierut sáhttá nannet ja veahkehit čállinproseassaid, seammás go hábme filbmačállosa ja hukse karaktearaid filmmas. Bargobáji loahpas de leat oasseváldit čállán gárvvisin vuosttaš guhkesfilbma giehtačállosa. Loga eambbo dás.

Ráđđeaddit

Bargobájis ráđđeaddit leat ee Liisa Holmberg (koordináhtor), Nils Gaup (Sápmi), Jörgen Hjerdt (Ruoŧŧa), Gail Maurice (Canada), Åse Katrin Vuolab (Sápmi), Kate Leys (UK), Suvi West (Sápmi) and Bird Runningwater (US).

---

OVTTASBARGOGUOIMMIT

---

RUHTADEADDJIT

---

Oassi Sámi filbmaáŋgiruššamis/ Sámi Film Initiativ / Samisk filmløft:

Servodatlokten/ Samfunnsløftet ja Seastinbáŋku 1 Davvi-Norga leat juolludant stuora doarjaga Internašunála Sámi Filbmainstituhttii (ISFI) ođđa sámi filmmaide ja TV ráidduide. Sámi filbmaáŋgiruššamii galgá boahtte golmma jagis investerejuvvot oktiibuot 10 miljovnna norgga ruvnnu. Dát čállinbargobáddji lea oassin dás. Loga eanet Sámi filbmaáŋgiruššama birra dás.