SÁMI FILMMAT GOAVVE-GEABBIL LOAHPANDOALUID OKTAVUOĐAS TATE MODERN MUSEAS

TATE MODERN: SÁMI FILMMAT ČÁJEHUVVOJIT MÁRET ÁNNE SARA LOAHPAHANDOALUIN LONDONIS

Bearjadaga, njukčamánu 27. beaivvi

Hyundai Commission Máret Ánne Sara. Govva © Tate (Larina Fernandez)

Tate Modern, okta máilmmi stuorimus visuella dáiddaarenain, lágida loahpandoaluid Máret Ánne Sara dáiddainstalašuvnnas Goavve-Geabbil Tate Modern Turbin Hállas. Loahpahandoalut lea deaŧalaš dáhpáhus sámi dáidagii riikkaidgaskasaš dásis.

Tate Modern Lates lea ovttasráđiid Internášunála Sámi Filbmainstituhtain ja NANU – Sámi Arts International čohkken Sámi artisttaid ja dáiddáriid ja hábmen loahpahandoaluid ovttas London dáiddabirrasiin. Ávvudandihte Goavve-Geabbil maŋimuš vahkkuid museas, Sámi artistat, sihke duojis, musihkas ja filmmas, leat bovdejuvvon searvat. Internašunála Sámi Filbmainstuhtta kurateren filbmaprográmma mii govve Máret Ánne Sara dáidaga fáttáid.

Goas: Njukčamánu 27. beaivvi dii 18.00–22.00
Gos: Turbine Hall, London

Árktalaš boahtteáiggit: Sámi vuostálastinjienat

Internašunála Sámi Filbmainstituhtta presentere Arctic Futures: Sámi Voices of Resistance / Árktalaš boahtteáiggit: Sámi vuostálastinjieanat Tate Modern Lates oktavuođas. Sámi filbmaprográmmas leat mielde Mu gieđas / In My Hand (2025, govas) Marja Helander ja Liselotte Wajstedt bokte, The Past and the Future of the Arctic (2023) Hans Pieski bokte, ja Sámiin leat rievttit / The Sámi Have Rights (2019) Elle Márjá Eira ja Mai-Lis Eira Buljo bokte.

Loga eambbo filmmaid birra, ja geahča olles dáhpáhusa ja eará dáiddáriid birra dás.