GUHTTA OĐĐA FILBMABUVTTEADMI OŽŽOT 4.6 MNOK
Almmuhuvvon: 30.06.2026
GUHTTA OĐĐA FILBMABUVTTEADMI OŽŽOT OKTIIBUOT 4.6 MNOK
Okta horror filbma, okta dokumentára, golbma oanehis fikšuvdnafilmma ja okta oanehis dokumentára ožžot buvttadandoarjaga oktiibuot 4 599 000 NOK dán jagi nuppi buvttadanohcamušaid áigemeari meannudeami oktavuođas.
STÁLLU
Guhkes filbma / Horror / 90 min / Buvttadandoarjja: 2 000 000 NOK buvttadanfitnodahkii Forest People AS / Váldobuvttadeaddji: Mer Film, Maria Ekerhovd / Co-buvttadeaddji: Forest People, Per-Josef Idivuoma, Lisa Kristensen / Čálli: Robin Jensen / Bagadalli: Robin Jensen / Ollislaš bušeahtta: 41 398 039 NOK
90-logus, Davvi-Norggas. 15-jahkásaš Elias, sámi gánda gii givssiduvvo skuvllas ja guhte heahpana iežas duogážis, bargá buot vai livččii norgalaš. Son lea badjelmeare ráhkásmuvvan Theresii, eanemus bivnnut nieida su luohkkás.
Govva Mer Film bokte.
SUOLÁDUVVON MUITTUT
Guhkes dokumentára / Historjjálaš / 75 min / Buvttadandoarjja: 990 000 NOK buvttadanfitnodahkii Sami Kompania AB / Váldobuvttadeaddji: Sami Kompania AB, John Erling Utsi / Mielbuvttadeaddji: Jorri media AB, Anna Sunna. Filmfront Media AB, Georg Gøtmark / Čállit: John E Utsi / Bagadalli: John E Utsi / Ollislaš bušeahtta: 3 885 511 NOK
John mátkkošta miehtá Sámi háhkat ruovttoluotta iežas jávkan mánnávuođamuittuid. Ja gávnnaha ahte su iežas mánnávuođa jagit nomádaskuvllas lea oassi stuorát, kollektiivvalaš traumas.
Govva Ester Johansson/Ájtte museum bokte.
SAMISK SKYTESKIVE
Oanehis fikšuvdna filbma / Dráma / 15 min / Buvttadandoarjja: 450 000 NOK buvttadanfitnodahkii Aurinko Film AS / Váldobuvttadeaddji: Aurinko Film AS, Johannes Vang / Čállit: Wilhelmina Silba ja Johannes Vang / Bagadalli: Johannes Vang / Ollislaš bušeahtta: 1 450 000 NOK
Gáivuonas, 1995 – Go nuoramus bárdni, Johan, máhccá ruoktot universitehtas ja muitala áhččái, Pederii, ahte son lea álgán dutkat sin soga historjjá, de bargá Peder buot maid sáhttá bissehit bárdnis.
Govva Aurinko Film AS bokte.
THE WEIGHT OF THE PEOPLE
Oanehis dokumentára / 15 min / Buvttadandoarjja 299 000 NOK buvttadanfitnodahkii Rörliga Rötter AB / Váldobuvttadeaddji: Rörliga Rötter AB, Mattias Persson Suorra / Čálli: Mattias Persson Suorra / Bagadalli: Mattias Persson Suorra / Ollislaš bušeahtta 534 450 NOK
The Weight of a People čuovvu Evelina, gii lea nuorra sámi nisu Tåssåsens čearus. Son lea boazodoalli guhte guoddá kulturárbbi, seammás go son vásiha vašu ja áitagiid neahtas. Oanehis dokumentára identitehta, gierdavašvuođa ja ovddasvástádusa birra.
Govva Ann Kristin Solsten/Rörliga Rötter AB bokte.
ČÄÄʹČČJIEʹLLI – MAID OF THE WATER
Oanehis fikšuvdna / Dráma / 7 min / Buvttadandoarjja: 360 000 NOK buvttadanfitnodahkii Home River Media / Váldobuvttadeaddji: Home River Media, Kati Eriksen / Čálli: Laura Feodoroff / Buvttadeaddji: Laura Feodoroff / Ollislaš bušeahtta: 900 000 NOK
Nuortalaš nisu rahčá duvdit muorrafatnasa meahci čáđa gos Sámi duovdagat nuppástuvvet goike guolbanis vuojohatjeaggin. Čázinieida skirvehallá uhkideaddji láhkai jávrris ja nissona mielas go son dáisdala iešsorbmenjurdagiid vuostá. Muorrafanas skoarrá sáddobotnis ja guoros fanas rievdá fávlái.
Govva Arttu Peltomaa/Home River Media bokte.
KÅ’LL-LÅÅDDAŽ
Komediija / Oanehis fikšuvdna filbma / 15 min / Buvttadandoarjja: 500 000 NOK buvttadanfitnodahkii Home River Media / Váldobuvttadeaddji: Home River Media, Kati Eriksen / Čállit: Heini Wesslin, Katja Gauriloff / Bagadalli: Katja Gauriloff / Ollislaš bušeahtta: 1 995 000 NOK
Nuortalaš nisu náittosbiktasiiguin lea vuordimin irggi girkusteallis. Heajat eai šatta, ja nisu ferte birget okto. Seavdnjadeamos bottus son dorvvasta máttuidis gahpirii, šaamšiǩii.
Govva Mauri Lähdesmäki/Home River Media bokte.
Eambbo buvttadandoarjagiid birra
Doarjaga ulbmil lea sihkkarastit sámegielat filbmaprošeavttaid buoremus vejolaš kvaliteahta ja nannet sámi filbmadahkkiid ja buvttadeddjiid.
ISFI buvttadandoarjaga ohcanáigemearit leat njelljii jagis: guovvamánu 1. beaivi, miessemánu 2. beaivi, čakčamánu 1. beaivi ja juovlamánu 1. beaivi.