BOAHTÁ KINOIDE MIEHTÁ NORGGA GOLGGOTMÁNU 9. BEAIVVI

ELLOSET VÁRIT BOAHTÁ KINOIDE MIEHTÁ NORGGA GOLGGOTMÁNU 9. BEAIVVI

La Fjella Leve / Baajh Vaeride Årrodh / Elloset Várit / Let Our Mountains Live boahtá kinoide miehtá Norgga bearjadaga golggotmánu 9. beaivvi.

Dokumentára čuovvu proseassa go boazodoallit vuitet Alimusrievttis Eurohpá stuorámus bieggamillofápmo huksejeaddji fitnodagaid vuostá – muhto go stáhta ii dáhto dahkat maidege, de sin dáistaleapmi čájeha čiekŋaleappot vuoigatvuođa rihkkumiid. Ellos várit dokumentára čuovvu váikkuhusaid boazodollui, riekteproseassas ja dan dáistaleami mii dan oktavuođas čuožžilii.

Filbma čájehuvvui vuosttaš geardde máilmmis CPH:DOX:as. Dan maŋŋá dat lea čájehuvvon earret eará Hot Docs Canadian International Documentary Festival- ja Movies that Matter -festiválain. Filbma galgá maiddái čájehuvvot festiválain Ruoŧas ja Suomas.

Filmma lea bagadan ja buvttadan Håvard Bustnes (UpNorth Film). Johannes Vang (Aurinko Film) ja Kati Eriksen (Homeriver Media) leat mielde čállán ja buvttadan filmma. Norsk Filmdistribusjon distribuere filmma Norggas.

Iskka báikkálaš kino goas filbma čájehuvvo du báikkis.

EAMBBO ELLOSET VÁRIT BIRRA

Guoktelot jagi leat Sissel Stormo Holtan ja Terje Haugen dáistalan gáhttet sin guohtuneatnamiid Eurohpa stuorámus bieggafápmoprošeavtta vuostá. Vaikko sii vuostálaste, de Norgga stáhta attii lobi hukset 151 stuora bieggamillo Fosena váriide ovdal go riektegižžu lei oba loahpahuvvon ge.

Loga eambbo filmma birra CPH:DOX bokte dás.

Namma: La fjella leve (No) / Baajh vaeride årrodh (Åar) / Ellos várit (Dav) / Let Our Mountains Live (Eng) | Guhkkodat: 100 min |  Bagadalli ja buvttadeaddji: Håvard Bustnes (Up North) | Čállit: Håvard Bustnes, Johannes Vang, Kati Eriksen | Mielbuvttadeaddjit: Johannes Vang (Aurinko Film), Kati Eriksen (Home River Media) | Outreach buvttadeaddjit:Torstein Parelius, Christian Dyresen | Filbmen: Łukasz Zamaro, Åsmund Hasli, Maja Holand, Bjørn Ánte Røe, Ask G. Jacobsen | Čuohppi: Anders Teigen | Sound Designer: Micke Nyström | Šuokŋa: Jonas Colstrup

Dokumentára, Aurinko Film AS bokte, lea ožžon oktiibuot 600 000 ruvnno buvttadan- ja distribušuvnna doarjaga Internašunála Sámi Filbmainstuhtas.