ISFI JUOLLUDA 3.7 MNOK NJEALJI BUVTTADEAPMÁI
Almmuhuvvon: 11.03.2026
ISFI JUOLLUDA 3.7 MNOK NJEALJI BUVTTADEAPMÁI
Okta guhkesfilbma, guokte oanehisfilmma ja okta oanehis dokumentára ožžot buvttadandoarjaga. Oktiibuot juolluduvvo 3 766 000 NOK dán jagi vuosttaš buvttadanjuolludanvuorus.
MÁTTÁRÁHKKÁ
Guhkes filbma / Buvttadanfitnodat: Screaming fox production / Buvttadeaddji: Sara Beate Eira / Co-buvttadeaddji: Tekele Productions (Suopma) / Čálli: Suvi West / Bagadallit: Suvi West ja Anssi Kömi / Juolluduvvon: 2 500 000 NOK
Máret, rebealla ja neavttár, geahččala báhtarit ruovttustis árktalaš guovllus, muhto liekkus romantihkka boktá čihkkojuvvon fámuid ja son viimmáska vuosttaldit patriarkáhta ráhkisvuođain. Spiriid máilmmis ferte ieš maid leat veaháš spire.
Govva Anssi Kömi bokte.
VÏELLE
Oanehis filbma / Buvttadanfitnodat: Gïrje film AS / Buvttadeaddji: Ole-Henrik Lifjell / Bagadalli: Camilla Drege / Čállit: Camilla Drege ja Ole Henrik Lifjell / Juolluduvvon: 600 000 NOK
Eebre guoddá eambbo go maid čájeha. Vuordámušaid masa hárve bidjá sániid. Áhčči guhte jáhkká daguide ii ge ságastallamiidda, ja unna vieljaš gii máhttá buot iluin ja movttain. Ovttas sis lea liekkus searvevuohta, humor ja smávva rituálat ja jaskes bottut mat gullojit. Muhto gierraga vuolde šaddá juoga, ráfehisvuohta.
Govva Martin Edelsten bokte.
GUSTO GUSTO
Oanehis filbma / Buvttadanfitnodat: 7ISH Film AS / Buvttadeaddji: Marja Bål Nango / Bagadalli: Marja Bål Nango / Čállit: Marja Bål Nango ja Ingir Ane Bål / Co-buvttadeaddjit: Finnmark Productions / Juolluduvvon: 500 000 NOK
Ánte mátki iežas dohkkehussii čihkkojuvvon identiteahta iežas vihttalot jagiin geahččaluvvo gávpogis.
Govva 7ish Film AS bokte.
FISKARBRÖDER (och jag)
Oanehis dokumentára / Buvttadanfitnodat: Vaja Productions / Buvttadeaddji: Liselotte Wajstedt / Bagadalli: Liselotte Wajstedt / Čálli: Liselotte Wajstedt / Juolluduvvon: 166 000 NOK
Fiskarbröder (och jag) čájeha guokte vielja geat fierbmuba fárrolágaid Gáláseanus. Báiki čatná sudno oktii, muhto vásáhusat ja árvvut earuhit. Sudno gaskkas mun čuoččun, ruohttasiiguin sihke sámi ja ođđa ássiid árbevieruin. Bivdima jávohis ritmás šaddá poehtalaš muitalus árbevieruin ja rašes bearrašoktavuođain.
Govva Vaja Productions bokte.
Eambbo buvttadandoarjagiid birra
Doarjaga ulbmil lea sihkkarastit sámegielat filbmaprošeavttaid buoremus vejolaš kvaliteahta ja nannet sámi filbmadahkkiid ja buvttadeddjiid.
ISFI buvttadandoarjaga ohcanáigemearit leat njelljii jagis: guovvamánu 1. beaivi, miessemánu 1. beaivi, čakčamánu 1. beaivi ja juovlamánu 1. beaivi.