Sámi Storyžat Lab bargobádji Guovdageainnus lea álgán

Sámi Storyžat Lab čoahkkanan Guovdageaidnui

Vuosttaš čoahkkaneapmi nanne ođđa Sámi oanehisfilbma báru: Internášunála Sámi Filbmainstituhtta ja Netflix álmmuhedje árabut dán jagi Sámi Storyžat Lab.  Prográmma ulbmil lea ofelastit ođđa Sámi filbmadahkkiid. Dál lea bargobádjui álgán: ja logi oanehisfilbma giehtačálli leat dál moatti beaivvi badjel čoahkkan Guovdageidnui. 

Anne Lajla Utsi, ISFI direktevrra, lokte ovdán man dehálaš dákkár bargobádji lea.

“Sámi Storyžat Lab bargobádji lea erenoamáš sadji Sámi filbmadahkkiide gos besset ahtanuššat, čatnat oktavuođaid ja oažžut ofelastima fágačehppiin. ISFI ovttasbargu Netflixain dahká vejolažžan midjiide erenoamážit doarjut dán ođđa buolvva Sámi filbmadahkkiid. Máŋgasat leat ođđa jienat Sámi filbmamáilmmis, ja sin ođđa jurdagiiguin ja čehppodagain, mun lean sihkar ahte sii buktet Sámi Storyžiid šearpmmaide miehtá máilmmi”.

Dál lea njealját jahki ISFI ovttasbargá Netflixain, dán jagi searvá Tatino Film searvá fágalaš ovttasbargoguoibmin maid.

Bargobádji fállá online čoahkkanemiid internášunála fágačehppiidguin geat veahkehit ovdánahttit filmma giehtačállosa. Jos filbmaprošeakta olle ovdabuvttadan muddui, de sáhttá filbma buvttaduvvot 2026.

Oasseváldit

Oasseváldit leat Aarni Pieski, Sunna Nousuniemi, Eila Marie Engkvist Muotka, Olena Hætta, Kai Mikkel Balto, Moa Backe Åstot, Anne Karen Sara-Tohn, Emilie Hauan Solvang, Laura Feodoroff, ja Olve Aslaksen.

Lassin fágalaš veahkkái ožžot oassálastit maid ruhtadoarjaga.

• 50 000 NOK giehtačállin doarjaga
• 25,000 NOK ovdabuvttadan doarjaga buvttadeaddjái

Fágačeahppit ja logaldallit

Bargobádji álggahuvvui dán vahkku logaldallamiin Guovgageainnus. Logaldallit leat Amanda Kernell, Ann Aurebekk Holmgren, Suvi West. Lassin Tatino Films logaldallit Patricia Drati, Erica Barbiania, Marcelo Martinessi, ja Matthieu Darras.

Loga eambbo Sámi Storyžat Lab birra

Bargobádji lea oanehisfilmmaid ovdánahttin bargobádji. Loga eambbo dás.

ISFI ja Netflix bargobájit

Bargobájit lea oassin Netflix Fund for Creative Equity, ja lea joatkka ISFI ja Netflix bargobájiin mat leamaš ovdal, nu go Sámi Producer Lab (2024), ISFI x Netflix Writing Academy (2023), ja the Production Budgeting and Scheduling Workshop (2022).