Distribušuvdna­doarjja

Dát doarjjaortnet lea oaivvilduvvon sámi oanehisfilmmaid, dokumentáraid, guhkesfilmmaid, ráidduid, spealuid dahje eará audiovisuála buvttademiid distribušuvdnii. Doarjjaortnega ulbmil lea veahkehit ámmátlaš filbmadahkkiid ja filbmajuogadeddjiid olahit sihke nationála ja riikkaidgaskasaš gehččiide sámi filmmaiguin ja audiovisuála buvttademiiguin. Prošeavttat main mánát ja nuorat leat ulbmiljoavkun, vuoruhuvvojit erenoamážit.

Sámi filbmafestiválat sáhttet maid ohcat dán ortnega doarjaga.

• Sámi buvttadanfitnodat, juogo váldo- dahje mielbuvttadeaddjin, man váldoulbmilin lea audiovisuála buvttadeapmi ja mii lea registrerejuvvon Sámis, Norggas dahje EEO-riikkas.
• Distribušuvdnadoarjja sáhttá juolluduvvot oasusfitnodahkii. Eará fitnodagat mat leat registrerejuvvon ovttadat- ja fitnodatregistarii Norggas dahje eará EEO-riikkas, sáhttet maid ohcat jus supmi lea vuollel NOK 300 000.

Jus galgá oažžut doarjaga ISFI:s, de ferte sihke ohcci ja prošeakta deavdit ISFI oppalaš eavttuid.

Ortnet galgá leat veahkkin nannemin sámi filmmaid olgoriikii vuovdima go juolluda doarjaga márkanfievrrideapmái ja distribušuvdnii.
Distribušuvdnaohcamiin sáhttet leat golut mat gusket filbma- ja TV-festiválaid oassálastimii. Dása sáhttet maid gullat váldoneavttáriid mátkegolut.

Raporterema oktavuođas galgá rehketdoallodárkkisteaddji dohkkehit prošeaktarehketdoalu jus doarjja lea NOK 200 000 dahje eanet. Muđui galgá rehketdoalli leat vuolláičállán buot rehketdoaluid.

Distribušuvdnadoarjagis ii leat ohcanáigemearri ja ohcamat meannuduvvojit dađistaga.