Dubben

ISFI juolluda doarjagiid filbmaprošeavttaid sámegielat dubbemiidda buot šáŋŋeriin. Sámi filbmabuvttademiid lassin lea dubbet filmmaid sámegielaide beaktilis vuohki lasihit sámegielat filmmaid logu, erenoamážit mánáide ja nuoraide. Danne ISFI ulbmilin lea doarjut buvttadusaid sámegielat dubbemiid.

• Sámi buvttadanfitnodat, juogo váldo- dahje mielbuvttadeaddjin, man váldoulbmilin lea audiovisuála buvttadeapmi ja mii lea registrerejuvvon Sámis, Norggas dahje EEO-riikkas.
• Dubbendoarjja sáhttá juolluduvvot oasusfitnodahkii. Eará fitnodagat mat leat registrerejuvvon ovttadat- ja fitnodatregistarii Norggas dahje eará EEO-riikkas, sáhttet maid ohcat jus supmi lea vuollel NOK 300 000.

Jus galgá oažžut doarjaga ISFI:s, de ferte sihke ohcci ja prošeakta deavdit ISFI oppalaš eavttuid.

Ortnet galgá váikkuhit dasa ahte eanet audiovisuála buvttadeamit gávdnojit sámegielaide ja ovddidit sámegielaid geavaheami filbma- ja kultursuorggis. Prošeavttat main mánát ja nuorat leat ulbmiljoavkun, vuoruhuvvojit erenoamážit.

Raporterema oktavuođas galgá rehketdoallodárkkisteaddji dohkkehit prošeaktarehketdoalu jus doarjja lea NOK 200 000 dahje eanet. Muđui ferte rehketdoalli leat vuolláičállán buot rehketdoaluid.

Dubbendoarjagis ii leat ohcanáigemearri ja ohcan sáddejuvvo dárbbu mielde.