Njuovžilis­doarjja

Internašunála Sámi Filbmainstituhtta sáhttá juolludit njuovžilisdoarjaga ovdánahttit ja buvttadit Sámi filbmaprošeavttaid buot šáŋŋeriin. Don sáhtát ohcat Njuovžilisdoarjaga uhccit prošeavttaide main smávva bušeahtta.

  • Fast track/Njuovžilis doarjaga ulbmilin lea dahkat filbmabuvttadeddjiide álkibun ohcat doarjaga smávit prošeavttaide main leat unna bušeahtažat, ja oanehis ovdánahttin- ja buvttadanáigodat. Erenoamážit ođđa taleanttat ávžžuhuvvojit ohcat dán ortnegis, ja dasa lea álkis ohcanskovvi.

  • Prošeavtta guovddáš váldodoaimmain galget leat sápmelaččat; nu ahte buvttadeaddji dahje mielbuvttadeaddji, ja bagadalli dahje giehtačállosa čálli atná iežas sápmelažžan dahje lea sámegielat. Ohcci ja vuostáiváldi ferte leat sámi buvttadanfitnodat.

    Fast track/Njuovžilis doarjaga ohccis ii dárbbaš leat oasussearvi, go maiddái ovttaolbmofitnodagat sáhttet ohcat Fast track/Njuovžilis doarjaga.

    Doarjjavuostáiváldi galgá raporteret ISFI raporterennjuolggadusaid mielde.

  • ISFI sáhttá juolludit doarjaga jus ohcci ja prošeakta devdet obbalaš doarjjagáibádusaid. ISFI árvvoštallá prošeavtta oppalaččat prošeavtta dáiddalaš kvalitehta vuođul, ja maid eavttuid vuođul maid dát njuolggadusat bidjet.

    Doarjja lea čadnon sámi kultuvrii ja gillii. Leat čuovvovaš gáibádusat prošeavttaide maid ohcet doarjaga:

     

    • Prošeakta galgá ollásit leat sámegillii.
    • Prošeavtta guovddáš váldodoaimmain galget leat sápmelaččat; nu ahte buvttadeaddji dahje mielbuvttadeaddji, ja bagadalli dahje giehtačállosa čálli atná iežas sápmelažžan dahje lea sámegielat.
    • Prošeavttas galgá leat sámi fáddá/temá.
    • Prošeavttat maid ulbmiljoavkun leat mánát ja nuorat vuoruhuvvojit erenoamážit.
    • ISFI árvvoštallá deavdá go prošeakta gáibádusaid sámi gullevašvuođa ja sámegiela hárrái.
    • Filmma váldogiellan galgá leat sámegiella.
  • Fast track/Njuovžilis doarjaga lea oaivvilduvvon smávit prošeavttaide main lea unna bušeahtaš. Ohcci sáhttá ohcat eanemustá NOK 100 000 guđege prošektii.

    Fast track/ Njuovžilis doarjja máksojuvvo dábálaččat guovtti oasis; vuosttaš oassi go doarjjaoažžu čálalaččat lea dohkkehan doarjjalohpádusa, ja nuppi oasi doarjagis máksá ISFI dan maŋŋel go lea dohkkehan dorjojuvvon prošeavtta raporterema.

    Jus ISFI doarju prošeavtta viidáseappot, de gehččojuvvo juolluduvvon njuovžilisdoarjja oassin ollislaš doarjagis.

    ISFI doarjjalohpádus lea fámus golbma mánu juolludanbeaivvi rájes. Jus doarjjavuostáiváldi ii leat dohkkehan doarjaga eavttuid golmma mánu sisa, de gessojuvvo doarjja ruovttoluotta almmá dieđu haga.

    Njuovžilisdoarjagii eai leat ohcanáigemearit ja daid sáhttá ohcat dárbbu mielde.

    Ášši meannuduvvo dábálaččat guđa vahko sis.

    Ovttaskasmearrádusaid maid Internašunála Sámi Filbmainstituhtta dahká sáhttá váidit Norgga Kultur- ja dásseárvodepartementii.

  • Njuovžilisdoarjagiidda eai leat ohcanáigmearit ja daid sáhttá ohcat dárbbu mielde.

  • Ohcamušat ovdal ođđajagimánu 1.beaivvi 2024 leat ain dan boares ohcanportálas, ja mii eat sirdde dáid ođđa ohcanportálii. Don beasat ain geahččat du ovddit áššiid dan boares portálas, ja dáid áššiid raporteren dáhppáhuvvá maid nu go ovdal. Ođđa ohcamušaid raporteren lea dán ođđa portala bokte.

    Jus doarjja máksojuvvo guovtti oasis, de fertet áiggebále raporteret dahje ohcat áigemeari maŋiduvvot.

    Ohcamušat sáddejuvvon 2023 ja boarrasit: Raporta sáddejuvvo e-poasttii rapport@isfi.no ja galgá čujuhuvvot doarjaga referánsanummarii.

    Mildosat mat galget čuovvut raporterema

    • Rehketdoallu
      Rehketdoallu galgá čájehit buot goluid juolluduvvon prošeavttas. Jus raporteret mátkestipeandda anu, de galggat rehketdoalu sajis sáddet guittiid mat duođaštit bušehterejuvvon goluid. Borramuš- ja vuodjingolut eai gokčojuvvo.
    • Prošeavtta ruhtadeapmi
      Spesifisere ja čilge buot ruhtadeami prošeavttas ja gii prošeavtta ruhtada.
    • Prošeaktarehketdoallu
      Gáibiduvvo dohkkehuvvon revisora rehketdoallodárkkisteapmi jus doarjja lea NOK 200 000 dahje eanet. Muđui galgá rehketdoalli vuolláičállán buot rehketdoaluid

     

    Váilevaš raporteren / Njuolggadusaid rihkkun
    Jus doarjaga vuostáiváldi rihkku doarjjanjuolggadusaid dahje ii raportere ruhtageavaheami, de sáhttá dat čuohcit boahttevaš doarjjajuolludemiide. Rihkkun dán oktavuođas rehkenastojuvvo ISFI njuolggadusaid rihkkumin jus doarjja ii geavahuvvo doarjjaeavttuid mielde ja/dahje jus rihkku dahje ii čuovo ISFI mearrádusa mii lea dahkkojuvvon lága ja/dahje láhkaásahusa olis. Rihkkumiid oktavuođas sáhttá ISFI maiddái válljet bidjat johtui čuovvovaš ráŋggáštemiid:

    • Bissehit doarjjamáksima guoskevaš prošektii.
    • Bissehit doarjjamáksima doarjaga vuostáiváldi eará prošeavttaide.
    • Gáibidit ahte olles doarjja dahje oassi doarjagis máksojuvvo ruovttoluotta.
    • Mearridit doarjaga vuostáiváldái gitta 3 jagi errenáiggi, go ii juolluduvvo doarjja.
    • Jus lea mearkkašahtti rihkkun, de galgá ISFI dakkaviđe bissehit buot doarjjamáksámušaid guoskevaš prošektii.