Mátke­stipeanda

Stipeanda sáhttá juolluduvvot ovttaskasolbmui dahje fitnodahkii mátke- dahje gelbbolašvuođastipeandan.

Oza

  • Stipeandda sáhttá ohcat buotlágan doaimmaide maid sáhttá dokumenteret ja ákkastallat ovddidit ohcci ámmátlaš gelbbolašvuođa.

  • Prošeavtta guovddáš váldodoaimmain galget leat sápmelaččat; nu ahte buvttadeaddji dahje mielbuvttadeaddji, ja bagadalli dahje giehtačállosa čálli atná iežas sápmelažžan dahje lea sámegielat.

    Lea gáibádus ahte lea Sámi giehtačálli, bagadalli dahje buvttadeaddji gii ohccá doarjaga.

  • GELBBOLAŠVUOĐASTIPEANDA

    • Studeanttat geat leat čađaheame oahpu filbmasuorggis, sáhttet ohcat NOK 25 000 doarjaga buvttadit filmma oahpu oktavuođas.
    • Stipeanda sáhttá maid geavahuvvot filbmabuvttadanfitnodaga ásaheapmái ja juridihkalaš bagadeapmái.
    • Sáhttá ohcat doarjaga dramaturgagoluide.
    • Sáhttá ohcat doarjaga giehtačállosiid jorgaleapmái.
    • Sáhttá ohcat doarjaga kursa- ja semináraide searvama goluide.

     

    MÁTKESTIPEANDA

    Jos mátkkoštat riikka siskobeal gos dus lea ruovttučujuhus sáhtát ohcat eanemustá NOK 10 000 doarjaga.

    Olgoriikkamátkkiide juolluduvvo eanemustá NOK 20 000.

    Ohcan ferte sáddejuvvot buori áiggis ovdal mátkki.

    Buot goluid galgá raporterema oktavuođas duođaštit guittiiguin. Biebmo- ja vuodjingolut ja beaiveruđat eai gokčojuvvo. Daid sáhttá ohcamušas merket iežasoassinii.

    Golut maiddá ferte leat guite:

    • Orrun
    • Girdibileahtta, táksi dahje eará sáhttu
    • Investeremat
    • Duođaštus/guite ahte leat máksán omd. searvama kursii, festiválii dahje eará dáhpáhussii

     

    Jos leat eará guittet mat duođaštit goluid, de bija daid mielde go raporteret.

    Jus ohccái lea lohpiduvvon ahte ISFI gokčá mátkki ja orruma lágidemiid oktavuođas maid ieža lágidit, de ii galgga ohcat mátkestipeandda, muhto sáddet mátkerehkega.

  • ISFI doarjjalohpádus lea fámus golbma mánu juolludanbeaivvi rájes. Jus doarjjavuostáiváldi ii leat dohkkehan doarjaga eavttuid golmma mánu sisa, de gessojuvvo doarjja ruovttoluotta almmá dieđu haga.

    Mátke- ja gelbbolašvuođastipeanddaide eai leat áigemearit ja daid sáhttá ohcat dárbbu mielde.

    Áššemeannudanáigi lea dábálaččat guhtta vahkku.

    Ovttaskasmearrádusaid maid Internašunála Sámi Filbmainstituhtta dahká sáhttá váidit Norgga Kultur- ja dásseárvodepartementii.

     

  • Máŧke- ja gelbbolašvuođastipeanddaide eai leat ohcanáigemearit ja dáid sáhttá ohcat dárbbu mielde.

  • Ohcamušat ovdal ođđajagimánu 1.beaivvi 2024 leat ain dan boares ohcanportálas, ja mii eat sirdde dáid ođđa ohcanportálii. Don beasat ain geahččat du ovddit áššiid dan boares portálas, ja dáid áššiid raporteren dáhppáhuvvá maid nu go ovdal. Ođđa ohcamušaid raporteren lea dán ođđa portala bokte.

    Jus doarjja máksojuvvo guovtti oasis, de fertet áiggebále raporteret dahje ohcat áigemeari maŋiduvvot.

    Ohcamušat sáddejuvvon 2023 ja boarrasit: Raporta sáddejuvvo e-poasttii rapport@isfi.no ja galgá čujuhuvvot doarjaga referánsanummarii.

     

    Mildosat mat galget čuovvut raporterema

     

    • Rehketdoallu
      Rehketdoallu galgá čájehit buot goluid juolluduvvon prošeavttas. Jus raporteret mátkestipeandda anu, de galggat rehketdoalu sajis sáddet guittiid mat duođaštit bušehterejuvvon goluid. Borramuš- ja vuodjingolut eai gokčojuvvo.
    • Prošeavtta ruhtadeapmi
      Spesifisere ja čilge buot ruhtadeami prošeavttas ja gii prošeavtta ruhtada.
    • Prošeaktarehketdoallu
      Gáibiduvvo dohkkehuvvon revisora rehketdoallodárkkisteapmi jus doarjja lea NOK 200 000 dahje eanet. Muđui galgá rehketdoalli vuolláičállán buot rehketdoaluid.

     

    Váilevaš raporteren / Njuolggadusaid rihkkun

    Jus doarjaga vuostáiváldi rihkku doarjjanjuolggadusaid dahje ii raportere ruhtageavaheami, de sáhttá dat čuohcit boahttevaš doarjjajuolludemiide. Rihkkun dán oktavuođas rehkenastojuvvo ISFI njuolggadusaid rihkkumin jus doarjja ii geavahuvvo doarjjaeavttuid mielde ja/dahje jus rihkku dahje ii čuovo ISFI mearrádusa mii lea dahkkojuvvon lága ja/dahje láhkaásahusa olis. Rihkkumiid oktavuođas sáhttá ISFI maiddái válljet bidjat johtui čuovvovaš ráŋggáštemiid:

    • Bissehit doarjjamáksima guoskevaš prošektii.
    • Bissehit doarjjamáksima doarjaga vuostáiváldi eará prošeavttaide.
    • Gáibidit ahte olles doarjja dahje oassi doarjagis máksojuvvo ruovttoluotta.
    • Mearridit doarjaga vuostáiváldái gitta 3 jagi errenáiggi, go ii juolluduvvo doarjja.
    • Jus lea mearkkašahtti rihkkun, de galgá ISFI dakkaviđe bissehit buot doarjjamáksámušaid guoskevaš prošektii.
Oza