+

Buvttadandoarjagat giđđat 2018

Internašunála Sámi Filbmainstituhtta lea dán giđa ožžon oktiibuot gávcci filbmabuvttadanohcama ja juolludan buvttadandoarjaga golmma filbmii ja ovdánahttindoarjaga guovtti prošektii.


Internašunála Sámi Filbmainstituhtta juolluda oktiibuot 1 000 000 ruvnnu buvttadandoarjaga golmma filbmii cuoŋománus 2018:



Báttit 
500 000 NOK 
Dokumentára Lars-Vulle Juuso birra, guhte 70-logus álggahii Trerix-Öset joavkku Nearvvá gilis, ja logi jagis gerge čuojahit miehtá Davvi-Sámi. Dalle go joavku lei buot buoremus jođus oaččui Lars-Vulle fálaldaga čuojahit Eric Claptoniin, muhto fáhkka jávkkai joavku. Lars-Vulle jotkii ieš čuojahit, ja beasai čuojahit dan áigge stuoramus ártisttain Ruoŧas, Ulf Lundell. Muhto fáhkka jávkkai son maid. Muhto vaikko son jávkkai, de ii nohkan su jietna. Sámeradio lea 80-logu rájes čuojahan sin lávlagiid, ja odná nuorat várra dovdet musihkka buorebut go ieš daid olbmuid geat leat ráhkadan dan.  Ja dál 30 jagi maŋŋá, de leat sii mearridan fas doallat ovtta konseartta ovttas.


Buvttadan fitnodat: Davas Film AS 
Buvttadeaddji: Lisa Marie Kristensen 
Bagadalli: Per-Josef Idivuoma, Emil Juuso



Sánit 
300 000 NOK 
Čieža oanehisfilmma ráidu mii lea oaivvilduvvon smávva mánáide, ulbmilin nannet sámegiela somás ja hearvás vuogi mielde.


Buvttadan fitnodat: Ann film 
Buvttadeaddji: Ann Aurebekk 
Bagadalli: Ann Holmgren



The Body Remembers When the World Broke Open 
200 000 NOK 
The Body Remembers When the World Broke Open dráma filbma mii lea ráhkaduvvon duohta muitalusa vuođul ja čuovvu guovtti álgoálbmotnisu. Filbma muitala sunno hástalusain servvodagas ja veahkaválddálašvuođas, muhto čájeha maid etniid dovdduid ja  válljema vuoimmi ja mo sii geat ceavzán eai goassige beasa iežaset sivahallamis.


Buvttadan fitnodat: Violator Films/Experimental Films/Film Farms 
Buvttadeaddji: Lori Lozinski, Tyler Hagan, Allan Milligen 
Bagadalli: Elle-Máijá Tailfeathers & Kathleen Hepburn



Ovdánahttindoarjja 
Buvttadandoarjaga lassin juolluda ISFI ovdánahttindoarjaga čuovvovaš prošeavttaide:


The Safe Road 
30 000 NOK 
Oanehisfilbma, Anne Magga Wigelius


Skálžu 
30 000 NOK 
Oanehisfilbma, Niillas Holmberg


Varragieđat
30 000 NOK
TV ráidu, Jens Martin Mienna

Varragieđat
30 000 NOK 
TV ráidu, Per Ivar Jensen

Sosiála mediat

SEARVVA DON GE SÁMI FILBMA RÁVDNJEMII WWW.SAPMIFILM.COM