AMANDA KERNELL FILBMA GARRAT DU VÁIMMU VÁLLJEJUVVON TIFF PLATFORM GILVUI

GARRAT DU VÁIMMU VÁLLJEJUVVON TIFF PLATFORM GILVUI

Amanda Kernella ođđa guhkesfilbma Garrat du váimmu / Brace Your Heart čájehuvvo vuosttaš gearddi 51. Toronto International Film Festivalis (TIFF), mii lágiduvvo čakčamánu 10.-20. beivviid 2026, Torontos, Canadas.

Filbma leat válljejuvvon TIFF’s Platform Competition, mas gilvalit filmmat main lea nana rešissevravišuvdna ja filbmavuoigŋa. Dán jagi beassá Platform Award vuoiti maid njuolga International Feature Film Oscars (The Academy Awards) árvvoštallamii.

Filbma čuovvu 20-jahkásaš Ejva, gii váldá badjelasas boazodoalu go su áhčči jápmá. Son šaddá jođiheaddji Heaika háldui, gii ráhkástuvvá sutnje. Go Heaikka vilbealli Nejla boahtá, de ráhkástuvvá Ejva ges vuosttaš geardde. Dáhpáhusat mat čuvvot dagahit ahte Ejva rahčá bisuhit iežas eallima bálgás ja jurddašuvvon boahtteáiggi.

Filmma lea Amanda Kernell čállán ja bagadallan. Filmma buvttadeaddjit leat Nordisk Film Production Ruoŧŧa, co-buvttadeaddji lea Forest People (Sápmi/Norga), Compass Films (Islánda), Invictus (Bulgaria), Nordisk Film Production Dánmarku, Filmpool Nord, SVT ja Film i Väst.

Filbma lea ožžon doarjaga Ruoŧa filbmainstituhtas, Dánmárkku filbmainstituhtas, Riikkaidgaskasaš Sámi Filbmainstituhtas, Nordisk Film & TV Fondas, Bulgaria National Film Centres, Islándda filbmainstituhtas, Eurimages ja Arktisk Film Norge:s. Internašunála vuovdin lea TrustNordisk bokte.

Brace Your Heart lea Kernell goalmmát guhkesfilbma. Su vuosttaš filbma, Sami Blood (2016), čájehuvvui TIFF Discovery-prográmmas maŋŋil go dat lei čájehan máilmmipremiearas Venetsia filbmafestiválas. Su nubbi filbma, Charter (2020), čájehuvvui gilvvohallamis Sundance filbmafestiválas ja válljejuvvui maŋŋil Ruoŧa evttohussan Academy Awardsii.

Toronto International Film Festival lágiduvvo Torontos, Canadas, čakčamánu 10.-20. beaivvi 2026.