GARRAT DU VÁIMMU OKTA GOLMMA FINALISTTAS ŠADDAT RUOŦA OSCAR-EVTTOHUSSAN

GARRAT DU VÁIMMU VÁLLJEJUVVON FINALISTAN ŠADDAT RUOŦA OSCAR-EVTTOHUSSAN

Amanda Kernella filbma Garrat du Váimmu lea okta dan golmma finalisttas mat sáhttet šaddat Ruoŧa virggálaš evttohussan kategoriijas «Buoremus riikkaidgaskasaš guhkesfilbma» 99. Oscar-bálkkašumiin.

Filbma, man ruoŧagiel namma lea Gör hjärtat hårt ja eŋgelasgillii Brace Your Heart, muitala 20-jahkásaš Ejva birra, gii váldá ovddasvástádusa bearraša boazoealu ovddas áhči jápmima maŋŋá. Filmma lea Amanda Kernell čállán ja bagadallan, ja Eva Åkergren lea buvttadan Nordisk Film Production ovddas. Sámi buvttadanfitnodat Forest People lea okta filmma ovttasbuvttadeddjiin.

Garrat du Váimmu čájehuvvo vuosttas geardde máilmmis Toronto riikkaidgaskasaš filbmafestiválas, ja Eurohpá vuosttaščájáhus lea San Sebastián riikkaidgaskasaš filbmafestivála váldogilvvus.

Dat guokte eará finalistta Ruoŧa evttohussii leat Alex Schulmana Arkipelag ja Jens Sjögrena Jävla karlar. Ruoŧa evttohus Oscar-bálkkašupmái kategoriijas «Buoremus riikkaidgaskasaš guhkesfilbma» almmuhuvvo preassakonferánssas Filmhusetis čakčamánu álggus. 99. Oscar-bálkkašumit juhkkojuvvojit Los Angelesis njukčamánu 14. beaivvi 2027.

Loga Ruoŧa Filbmainstituhta preassadieđáhusa dáppe (dušše ruoŧagillii).

Garrat du váimmu birra

Buvttadan: Nordisk Film Production Sweden, ovttasbuvttadeamis Forest People (Sápmi/Norga), Compass Films (Islánda), Invictus (Bulgária), Nordisk Film Production Denmark, Filmpool Nord, SVT ja Film i Väst.
Neavttárat: Elli Sara Valkeapää, Andte Gaup-Juuso, Vincent Niia ja earát.

Ejva árbe áhčerohkistis ealu. Go son rahčá doalahit ealu buori dilis, de siidajođiheaddji Heaika ráhkásmuvvá sutnje, ja vaikko Ejva eahpida, de son dovdá ahte ferte dohkkehit su. Muhto buot rievdá go Ejva deaivá Heaikka vilbeali Nejla, ja dovdá duohta ráhkisvuođa vuosttaš geardde. Beahtahallan ja gáđašvuođas Heaika dahka juoidá mii guođđá Ejva dillái mas su gieđat doarggistit, mii fas dahka váttisin Ejvai gohkket ealu.

Filbma lea ožžon doarjaga Ruoŧa Filbmainstituhtas, Dánmárkku Filbmainstituhtas, Internašunála Sámi Filbmainstituhtas, Nordisk Film & TV Fondas, Bulgária Nationála Filbmaguovddážis, Islándda Filbmaguovddážis, Eurimagesas ja Arktisk Film Norgas. Riikkaidgaskasaš vuovdima dikšu TrustNordisk.