AMANDA BÁLKÁŠUPMI: Buoremus bivttasteapmi
Almmuhuvvon: 23.08.2024
Eallogierdu vuitii Amandabálkášumi buoremus bivttasteamis
Bivttashábmejeaddji Anna Margaretha Oskal ja guhkesfilbma Eallogierdu lea vuoitán Amanda bálkášumi buoremus bivttasteapmi. Amandabálkášupmi lea norgga bajimus filbmabálkášupmi. Ávvudoalut leat Haugesunddas, ja čájehuvvui maid NRK TVs borgemánu 23. beaivvi 2024.
Guhkesfilbma Eallogierdu maid Sara Margethe Oskal lea bagadallan lei nominerejuvvon golmma kategoriijai Norgga Amandabálkášumis. Risten Anine Gaup evttohuvvo buoremus váldorollan, Biret Anne O. Kemi evttohuvvo buoremus veahkkerollii, ja Anne Margarteha Oskal evttohuvvo buoremus bivttashábmemis.
Ellogierdu – The Tundra Within Me
Eallogierdu čájehuvvui vuosttaš gearddi Toronto International Filbma Festiválas čavčča 2023. Filmma Norgga premiere lei Tromsø Filbma Festiválas 2024. Dán jagi joatká filmma filbmafestivála mátki meahttá máilmmi, ja lea maid čájehuvvon earet eará Sidney Film Festival ja Santa Barbara International Film Festival.
Lena lea orron máŋga jagi Oslos ja máhccá ruovttoluotta Sápmái iežas bártnážiin dutkat sohkabeliid ođđa dáiddaprošektii. Doppe son deaivvada ja ráhkásnuvvá boazosápmelažžii Máhttii. Gáren, guhte lea siiddaeamit ja Máhte eadni, vuostálastá ovttastallama. Seammás rahčá Lena ja váivahuvvá mearrádusain maid dagai nuorran. Son ferte gávnnahit sáhttá go goassege su ja Máhte eallimiid ovttastahttit.
Neavttárat: Risten Anine Gaup, Nils Ailu Kemi , Elias Ánte Pilutaq Gaup Lennert, Anitta Katriina Suikkari, Berit Anne O. Kemi, Anders Isak Oskal, John Ante Oskal, Aslat Mahtte Gaup, Inga Marja Utsi, Ingá Márjá Sarre, Sverre Porsanger,, Egil Keskitalo, Ebba Lovise Joks, Mikkel Pulk.
Bagadalli: Sara Margrethe Oskal
Čálli: Sara Margrethe Oskal
Buvttadeaddji: Mona Johanne Hoel for Freedom From Fear Stories
Govvejeaddji: Anders Hoft, FNF
Čuohppi: Anna Løvlund
Bivttashábmen: Anna Margaretha Oskal
Musihkka hábmen: Ville Langfeldt, Jakop Janssønn
Jietna hábmen: Håkon Lammetun, Jakob Beckmann
Distributevrra: Norsk Filmdistribusjon
Eambo Amanda bálkkašumi birra
Amanda bálkkašupmi lea Norgga bajimus filbmabálkkašupmi. Leat oktiibuot 21 iešguđet Amandabálkášumi suorggi, ja juohke suorggis leat vihtta evttohasa. Amandabálkášumit juhkkojuvvo bearjadaga borgemánu 23. beaivvi Haugesunddas Norggas. Amanda lea oassin Norgga Internašunála Filbma Festiválas, mii lea borgemánu 17.b – 23. beaivái 2024. Filmmat mat sáhttet evttohuvvot Amandai galget leat čájehuvvon kinoin Norggas gaskkal suoidnemánu 1. beaivvi 2023 gitta geassemánu 30. beaivvi 2024. Amanda bálkkašumi evttohusat almmuhuvvojedje preassakonferánssas Oslos geassemánu 19. beaivvi 2024. The Amanda Awards ceremony will be broadcast on NRK (Norwegian Broadcasting Corporation).
ISFI lea ruhtadan ja dorjon Eallogierdu filmma.
Bajimuš govva: Tine Therese Tørresdal Marø, The Norwegian International Film Festival, Haugesund