ÁRRAN 360° čajehuvvo TIFFas 2023

Erenomáš somá máhcahit Árran 360° ruoktot Sápmái

Midjiide lea stuora gudnin almmuhit ahte ÁRRAN 360° máhccá ruoktot Sápmái ja Norgga vuosttaščájálmas šaddá Romssa internašunála filbmafestiválas ođđajagimánus.

ÁRRAN 360° lei virggálaš oassin The Sámi Pavilion viiddiduvvon prográmmas 59 Internašunála Venezia Biennalenis. Dasa lassin prošeakta almmuhuvvui Biennale filbmafestivála prográmmas.

—Mii leat erenoamáš ilus go oažžut Norgga vuosttaščájálmasa ÁRRAN 360° is TIFFas. Dát lea spektakuleara prošeakta mii ovttastáhttá muitaleami ja high-techa. Lea gelddolaš seaguhus árbevieruin, go buot dáhpáhuvvá lávus, muhto ođđa teknologiijain ja ođđaágásaš muitalanvugiiguin. Mii leat duođaid hirpmástuvvan Internašunála Sámi Filbmainstituhtain ja maid sii leat oláhan ovttas filbmadahkiiguin, dadjá festivála- ja prográmmajođiheaddji Romssa Internašunála filbmafestiválas Lisa Hoen.

Internašunála Sámi filbmainstituhta direktevra Anne Lajla Utsi illuda čajehit prošeavtta Romssas.

— Midjiide lea hirbmat illu máhcahit ÁRRAN 360° ruoktot Sápmái ja TIFFai. Mii illudit čajehit Árran 360° fámolaš filmmaid ja lávu gehččiide dáppe Sámis. Árran360° lea erenoamáš vásáhus ja lea hui gelddolaš ovdanbuktit juste lávu, mii lea nu oahpis midjiide, ođđa hámis. Ja beassat čajehit innovatiiva sámi filmmaid mat birastahttet gehččiid, šaddá duođaid gelddolaš, dadjá Anne Lajla Utsi.

ÁRRAN 360° lea hybrida gaskkal álgoálbmot muitalusaid ja innovatiiva teknologiija. Lea vuosttaš prošeakta mii čajeha guhtta originála 360 filmma maid sámi filbmadahkkit ja dáiddárat Sámis leat ráhkadan. TIFF 2023as šaddet ÁRRAN 360° čájáhusat máilmmi stuorámus lávus, mas lea 28 metera filbmašearbma, olggobealde Hålogaland Teáhtera.

— Dáiddalaččat leat filmmat hui iešguđetláganat, ja eksperimenterejit ođđa muitalanvugiiguin ođđa formáhtas. Geahččit besset illudit áibbas erenoamáš Árran 360° filbmavásáhussii ođđajagimánus, dadjá Hoen.

Prošeavtta ovdanbuktet Romssa Internašunála filbmafestivála ja Internašunála Sámi Filbmainstiuhtta, Romssa ja Finnmárkku Fylkagieldda doarjagiin.
— Go galledin Internašunála Sámi Filbmainstituhtta Guovdageainnus čakčamánus, de sin bargu hirpmástuhtii mu. Munnje maiddái ovdanbukte ÁRRAN 360, ja dalle mun smihttet ahte eambbosat fertejit beassat vásihit dán. Sámi filbma ovdanbukton AR:n ja VR:n lávus mas filbmaliidni lea gehččiid birra. Rámálmas! dadjá Kristina Torbergsen
— Árktalaš lea hui buorre filmmas. Dan galbma ja čáppa luondu deaivvada olmmoš liegga ja buori olbmuiguin. Mu mielas lea buorre go TIFF gaskkusta historjjá min riikkaoasi birra – min riikaoasis, dadjá Torbergsen.