ÁVVUT SÁMI ÁLBMOTBEAIVVI FILMMAIGUIN!
Almmuhuvvon: 03.02.2025
ÁVVUT SÁMI ÁLBMOTBEAIVVI FILMMAIGUIN!
Dál beasat oaidnit ođđa sámegielat guhkesfilmmaid kinoin. Seammás leat ollosat geat lágidit filbmačájáhusaid Sámi álbmotbeaivvi oktavuođas. Lea maid vejolaš ruovttus geahččat sámi filmmaid min streamen siiddu bokte Sápmifilm.
SÁMI FILMMAT KINOIN DÁL
Dá leat muhtin dain sámi filmmain mat dál jorret kinoin dál. Iskka du báikkálaš kinos lea go biddjon čájáhusat. Jus eai leat almmuhan kinočájáhusa, bivdde sin dahkat dan.
BIRU UNJÁRGA / MY FATHERS´ DAUGHTER
78 min | 6+ | Davvisámegillii| Egil Pedersen
Filbma lea vuosttaš sámi nuoraid guhkesfilbma. Filbma lea 15 jahkásaš Elvira birra. Son doaivu su eatni šattai áhpeheapmin šattolašvuođaklinihkas Danmárkkus.Elvira niegada čáffa dánska áhči birra gii lea karismathálaš filbmanásti. Muhto su eallin nuppástuvvo go su duohta áhčči iđista.
Gos oainnát filmma? Ruoŧas beasat oaidnit guovvamánu 6. beaivvi rájes. Leat maid erenoamáš čájáhusat biddjon dáid báikkiide: Anár, Tromsø, Trondheim, Kirkenes, Snåsa, Fredrikstad, Honningsvåg, earet eará.
RIEBAN JA NJOAMMIL GÁDJUBA VUOVDDI
71 min | A | Davvisámegillii | Dubben: Duottar Studio
Mádjit, iešheanalaš ja guolgás unna ealláš, lea hui rámis iežas bargguin: Máilmmi stuora buođuin. Guokte roahtu leaba su veahkehan buođđut joga. Ja de álget ártegis dáhpáhusat vuovddis: Skuolfi jávká, roahtut rigerejit ja buohkat ballet ahte dulvi billista elliid biejuid. Rieban ja njoammil ferteba gávdnat skuolffi ja gádjut sin ruovttuid!
Gos oainnát filmmat? Norgga kinoin. Lea biddjon dihto erenoamáš čájáhusat suoma beallái. Ruoŧa bealde sáhttá oaidnit giđa beallái.
Min rávdnjensiiddu bokte sáhtát geahččat sámi ja eará álgoálbmot oanehis-, dokumentára- ja guhkesfilmmaid. Lea heivehuvvon sihke priváhta geavaheapmái ja almmolaš ásahusaide. Geavaheaddji bokte, mii máksá 59,- mánnui, beasat válljet daid badjelaš 100 filmma gaska mat mis leat min siiddus. Muhtin filmmat ferte láigohit sierra.
Jus háliidat čájáhusa lágidit dahje oahpahusas čájehit filmma, sáhtát dahkat dan Sápmifilm abonemeantta bokte. Eará lágidemiide ferte sierra šiehtadus. Loga dan birra vuollelis.
Ii go leat kino du ruovttubáikkis, dahje háliidat go čájehit sámi filmmaid lágidemiid oktavuođas?
Mii fállat filmmaid sámi giellaguovddážiidda, skuvllaide ja earáide geat háliidit lágidit filbmačájáhusaid gos ii leat kino. Mii sáhtti maiddái veahkkin čujuhit geaiguin galgá váldit oktavuođa jus háliida eará sámi filmmaid čájehit.