Buvttadanohcamiid áigemearri: juovlamánu 1. beaivvi

OZA BUVTTADANDOARJAGA

Internašunála Sámi Filbmainstituhta maŋimuš buvttadandoarjagiid ohcanáigemearri dán jagi lahkona.

Ohcanáigemearri lea juovlamánu 1. beaivvi 2024.

Mii ávžžuhat erenoamážit oanehisfilbmaprošeavttaid ohcat dán maŋimuš vuorus.

Sáhtát ohcat doarjaga dokumentáraid, guhkesfilmmaid, TV-ráidduid, oanehisfilmmaid dahje animašuvnnaid buvttadeapmái, buot šáŋŋeriin ja maiddái eará formáhtain.

Buvttadandoarja ulbmil

Doarjaga ulbmil lea sihkkarastit sámegielat filbmaprošeavttaid buoremus vejolaš kvaliteahta ja nannet sámi filbmadahkkiid ja buvttadeddjiid.

ISFI buvttadandoarjaga ohcanáigemearit leat njelljii jagis: guovvamánu 1. beaivi, miessemánu 1. beaivi, čakčamánu 1. beaivi ja juovlamánu 1. beaivi.

Eanet dieđut:
Jenna Elisabet Rasmus Pulk, Hálddahusjođiheaddji
+47 412 66 902
jenna@isfi.no

Govva: Anne Katja Gaup bokte, Storyhunters filbmemis