Duogábealdi filbma: Oro jaska ja Heajastallan

Oahpahallit: Duogábealdi filmmaš ORO JASKA ja HEAJASTALLAN báddemis

Erasmus+ prošeavtta bokte International Sámi Film Institute, Sámi Oahppoguovddáš ja Kalix folkhögskola fállet rájárastildeaddji oahpahallivejolašvuođa sámi nuoraide stuorát filmmaid ja tv-ráidduid buvttádeamis.

Henrik ja Takakehto leaba leamaš oahpahallit Oro jaska tv-ráiddu báddemis Kárášjogas dán giđa. Dás oainnát oasi mo lei leat oahpahalli filbmabáddemis. Oainnát maid oasi Heajastallan tv-ráiddu báddemis Guovdageainnus.

Orui go miellagiddevaš? Oza oahpahallin Árru guhkesfilbmii dás. Čuovo mielde jos hálidat eanet oahpahalli vejolašvuođaid birra diehtit. Mii almmuhat ain eanet oahpahallansajiid fargga.

Eanet ORO JASKA buvttadeami birra

Oro jaska lea tv-ráidu mas leat guhtta oasi. Mii čuovvut nuoraid Kárásjoga joatkaskuvllas. TV ráidu čájehuvvo NRKas go geargá. Lea Silje Burgin-Borch, Vegard Bjørsmo, ja Kathrine Nedrejord geat leat čállán ráiddu. Buvttadeaddjit: Alfredfilm ja Feelgood Scene ja TV.

Eanet HEAJASTALLAN buvttadeami birra

Sevdnjes humor dráma-ráidu bearraša birra geat eai áibbas doaimma, geat geahččalit lágidit daid buoremus heajaid, riidalkeahttá. Spoiler: Ii mana beare bures. Ribahit rahtasit almmolaččais. Tv-ráidu čájehuvvo NRKs go geargá. Åse Katrin Vuolab lea čállán tv-ráiddu, ja bagadallit leat Åse Katrin Vuolab ja Pål Jackman. Buvttadeaddjit: Mer film, Torden film ja Forest people.

Erasmus+ prošeakta:

Dát filmmaš lea oassi Erasmus+ prošeavttas Ráhkadit rájákeahtes ovttasbarggu filbmaoahpus Sámis, ja guorrat ođđa oahpahallanvugiid Sámi fimmaid buvttadeamis. Filbmadahki lea Sondre Eriksen Hensema.

Erasmus+ prošeakta biddjá fuomášumi juohkit máhttu, čatnat oktavuođaid, ja nannet rájákeahtes barggu filbmaoahppus sámis. Prošeakta lea octtasbargu gaskal Sámi oahpahusguovddáža, Kalix Folkhögskola ja Internášunála Sámi Filbmainstituhta. Ulbmil lea ahte filbmaoahppu duste dárbbuid mat leat jođánis nuppástuhttimis ja ovdáneamis mii lea filbmaindustriijas, ja erenoamážit Sámi filbmaindustriijas.

Loga eanet Erasmus+ prošeavtta birra: Sámi film industry and media education.

Funded by the European Union. Neither the European Union nor the European Education and Culture Executive Agency (EACEA) can be held responsible for the content of this publication.

More information about the Erasmus+ program: www.oph.fi/erasmusplus