Oza oahpahalliin ÁRRU guhkesfilbmii!
Almmuhuvvon: 07.06.2024
RABAS BOVDEHUS: OAHPAHALLIIN ÁRRU FILBMABUVTTADEAMIS!
Lea go dus miella leat mielde stuora filbma buvttadeamis? Háliidat go háhkat gelbbolašvuođa ja bargovásáhusaid? Oza oahpahalliin Árru guhkesfilbmii!
Erasmus+ prošeavtta bokte International Sámi Film Institute, Sámi Oahppoguovddáš ja Kalix folkhögskola fállet rájárastildeaddji oahpahallivejolašvuođa sámi nuoraide stuorát filmmaid ja tv-ráidduid buvttádeamis.
Árru buvttádeami birra:
Árru lea luohtemusikála Maia birra, boazovázzi ja eadneolmmoš, guhte dáistala guohtuneatnamiid ovddas.
Elle Sofe Sara lea bagadeaddji, ja STÆR AS ja Elle Sofe Company leat buvttadanfitnodagat. Ragna Midtgard ja Elisa Pirir leaba buvttadeaddjit. Filbma galgá báddejuvvot Álttás ja Skáiddis gaskal borgemanu 20 beaivvi ja čakčamánu 23 beaivvi 2024.
Praktihkkálaš dieđut:
Juohkehaš sáhttá ohcat, muhto sámi nuorat ja nuorat vuoruhuvvojit
Filbma galgá báddejuvvot Álttás ja Skáiddis gaskal borgemanu 20 beaivvi ja čakčamánu 23 beaivvi 2024. Oahpahallit galggaše álgit veahá ovdal go bádden álgá, vai ožžot veahá hárjáneami ja čuovvoleami álggos. (Áramusat borgemánu 7 beaivvi). Oahpahalli oažžu bálkká, ja mátkegolut ja orrun gokčo.
Leat erenomážiid ohccáme oahpahalliid buvttadan veahkkin, čuovga ossodahkii ja bivttas ja makeup ossodahkii. Muhto leat maid vejolaš eará ossodagaid čuovvut.
Oza ovdal geassemánu 23. beaivvi. Ohccán skovvi: https://forms.gle/t6aBpnttBzuD7T2MA
Eanet dieđut Erasmus+ birra:
Erasmus+ prošeakta biddjá fuomášumi juohkit máhttu, čatnat oktavuođaid, ja nannet rájákeahtes barggu filbmaoahppus sámis. Prošeakta lea octtasbargu gaskal Sámi oahpahusguovddáža, Kalix Folkhögskola ja Internášunála Sámi Filbmainstituhta. Ulbmil lea ahte filbmaoahppu duste dárbbuid mat leat jođánis nuppástuhttimis ja ovdáneamis mii lea filbmaindustriijas, ja erenoamážit Sámi filbmaindustriijas.
Loga eanet Erasmus+ prošeavtta birra: Sámi film industry and media education.
Oza ovdal 23.06.2024.
Internášunála Sámi Filbmainstituhtta ja Árru buvttadanjoavku váldá mearrádusa loahpas geassemánu.
Geavat ohcanskovi dás vuolde dahje dán čujuhusas ohccanskovvi (link).
Oktavuohta:
International Sami Film Institute
Maren Benedicte Nystad Storslett
maren@isfi.no / +47 971 22 760
Design by Karen-Ann Hurri