Searvva AI filbmagilvui: Ráhkat AI filmma guovtti beaivvis

Almmuhuvvon: 11.04.2025

Bovdehus searvat AI-filbmagilvui

Dát govva lea ráhkaduvvon AI-ain dán gilvvu eaŋgalas teavstta vuođul “Illustrate this text with a picture”.

 

Cinema Synthetica S2

ISFI bovde sámi filbmadahkkiid searvat gilvui, mas filbmadahkkit miehtá Norgga galget ráhkadit filmma AI-reaidduiguin ovtta vahkkoloahpas.

Ulbmil gilvvuin livččii oahppat AI geavahit filbmabuvttadeamis.

Gilvu šaddá: Miessemánu 9b.–11b. 2025

Báiki: Filbma buvttaduvvo Duottarstudios Guovdageainnus. Ii adno filbmenbáiki.
Veahkkeneavvut: Filbmadahkkái veahkkin lea čuohppi ja AI-ekspearta ja dárbbašlaš veahkkeneavvut. Dasalassin filbmejuvvo proseassa.
Bušeahtta: 5 000 ruvnno oastin dihte AI-filbmabihtáid ja neavttáriidda.

Eará eavttut:

  • Filbma buvttaduvvo seamma guovttesiidosaš mánusa vuođul.
  • Mánusis leat guokte karaktera ja dušše replihkat.
  • Birrasa mearrida filbmadahkki ieš.
  • Oasseváldit ožžot filbmamánusa bearjadaga 09.05.2025 diibmu 1900.
  • Vuoitofilmma vuosttaščájálmas lea Oslos 21.05.2025.

Áigemearri dieđihit beroštumi: 22.04. 2025

Geasa dieđiha: kent@isfi.no, merke e-poastta  “Participate in AI Film Competition” ja čále oanehaččat manin don háliidat searvat.

ISFI vállje guđemuš sámi filbmadahkki evttohat beassat searvat gilvui.
ISFI eaktuda ahte dat gii beassá mielde gilvui maŋŋel gilvvu sáhttá oahpahit eará sámi filbmadahkkiide movt AI sáhttá geavahit filbmabuvttadeamis. Gilvvu olis, lágiiduvvo online-kursa 09.05.2025, masa ávžžuhivččiimet buot sámi filbmadahkkiid searvat. Čujuhus dasa almuhuvvo ISFI-neahttasiiddus ja sosiálamediain. Gilvvu namma lea: “Cinema Synthetica S2”.

Njuolggadusat:

1. Buot filmmat ráhkaduvvojit seamma giehtačállosa vuođul.
2. Dialoga ii oaččo sihkkut, muhto sáhttá lasihit.
3. Fertejit unnimusat guokte karaktera
4. Filbma ferte gaskkal 2 ja 5 minuvtta
5. Buot báddemiin ferte AI vuođđu
6. Ii leat lohpi vuoigatvuohtasuddjejuvvon kárakteraid geavahit
7. Ii leat lohpi geavahit rekvisihtaid, iige kostymaid
8. Buot joavkkut ožžot 5 000 ruvdnosaš bušeahta, man geavahit movt dáhttot
9. Ii leat mearri movt oažžu bargat ja makkár reaidduid lea lohpi geavahit

Lágideaddjit:

Lágiideaddjit leat Reimagine, Oslo Kreative AI, Filmakademiet ja Den norske filmskolen.

EAMBBO CINEMA SYNTHETICA SEASON 2 BIRRA

Loga eambbo diimmá gilvvu birra dás ja geahča govai vuosttaš bargobájis 2024:is dás.