Juŋgelveahka johtá birra máilmmi kinoin guovvamánus!

JUŊGELVEAHKA JOHTÁ BIRRA MÁILMMI

Filbma JUŊGELVEAHKA JOHTÁ BIRRA MÁILMMI oidno sámegillii Norgga ja Ruoŧa kinos guovvamánu 6. beaivvi rájes.

JUŊGELVEAHKA JOHTÁ BIRRA MÁILMMI lea gelddolaš ja actionvuđot animašuvdnafilbma mas lea vaikko man olu leaktu, leaika ja somás sivdnádusat. Fiinna guoimmuheapmi olles bearrašii!

Duottar Studio lea dubben “Jungle Bunch World Tour” davvisámegillii. Guovvamánus beasat oaidnit filmma sihke sámegillii kinoin miehtá Norgga ja Ruoŧa. Suoma bealdi ilbmá filbma njukčamánus. Iskka du báikkálaš kinos lea go biddjon čájáhusat. Jus eai leat almmuhan kinočájáhusa, bivdde sin dahkat dan.

 

SÁMEGILLII: JUŊGELVEAHKA JOHTÁ BIRRA MÁILMMI
Sámegillii buvttadeapmi: Duottar Studio
Eaŋgalasgillii: JUNGLE BUNCH WORLD TOUR

Bearaš | 7+ | Davvisámegiella | 1h 28 min

Juŋgelis leat váttisvuođat. Muhtin bahás vearredahkki háddje mirkkolaš rosa soarppi juŋgelii, mii bávkkeha jus čáhci riššá njeaiga. Ja váile mánu geahčen álgá arveáigi. Gii nagoda gádjut buot elliid? Juo, Juŋgelveahka dieđusge! Dál fertejit tigerpingviidna Maurits, Girdine, Albert, Al ja Bob ja banánaváibmilis Miguel vuolgit mátkkoštit váriid badjel ja vákkiid mielde, sáttomehciid čađa ja ábiid rastá ohcat vuostemirkko mii sáhtášii bissehit rosa soarppi. Lea ain áigi gádjut juŋgela! Muhto dán háve manná Mauritsa ja su ustibiid doaibma MEASTA ENDORII!

FILMMA SÁMEGIELAT JIETNANEAVTTÁRAT

Camelia: Ella Eriksen
Maurits: Ole Gabriel Buljo
Gilbert: Ánte Siri
Girdine: Inga Elise Påve Idivuoma
Miguel: Rolf Morten Amundsen
Albert: Máhtte Sikku Valio
Al / Páhppa: Isak Ailo Gaup
Bob: Johan Anders Paulsen
Henri: Ailu Valle
Sergei / Pepito: Jørgen Mikkel Bals
Jurij: Per Thomas Aira Balto
Mánná: Leah Nicole Valio
Nubbi mánná: Aikin Piera Eira-Pettersen
Natacha: Inga Marja Utsi
Gullojit maid: Eva Måsø, Elle Mari Dunfjell Oskal, Morten Hyld Pettersen

Jorgaleaddji/giellabagadalli: Berit Margrethe Oskal
Giellabagadalli: Elle Mari Dunfjell Oskal
Bagadalli ja buvttadeaddji: Morten Hyld Pettersen, Duottar Studio

 

Juŋgelveahka máilbmi lea lihkostuvvan máilbmeviidosaččat kinogehččiid gaskka. Filmmat Juŋgelveaga birra leat ráhkaduvvon dovddus TV-govvaráiddu vuođul man dovdat ee. NRK.s. JUŊGELVEAHKA lea čájehuvvon 199 riikkas, lea jorgaluvvon badjel 50 gillii ja lea earret eará ožžon Emmy-bálkkašumi. Lea fránska buvttadeami TAT Production bokte, ja fránskagillii lea filmma namma Les As de la Jungle 2 – Operation Tour du Monde in French. Bagadalli lea Laurent Bru, Yannick Moulin ja Benoît Somville, ja čállit leat David Alaux, Eric Tosti and Jean-François Tosti.

Duottar Studio lea buvttadan filmma davvisámegillii. Dubben lea ovttasbargu gaskal Duottar Studio ja Another World Entertainment. Ruhttadeaddjit leat Internašunála Sámi Filbmainstituhtta ja Sámediggi.

Mii giitit buohkaid geat leat leamaš mielde dán buvttadeamis. Mii illudit čájehit filmma mánáide, nuoraide ja rávisolbmuide Sámis.