Marché du Film: ISFI ja Indigenous Screen Office lágidit Árktalaš muitaleami panela

Almmuhuvvon: 27.04.2026

impACT | ÁRKTALAS MUITALUSAT JA OĐĐA MÁILBMEORDNET | ISFI & Indigenous Screen Office bokte

Go geopolitihkalaš dilli bidjá deattu Árktalaš guovlluide, álgoálbmotfilbma čuožžila narratiiva iešmearridanfábmun. Dát panela, mii lea Marché du Film impACT prográmmas, suokkarda mo árktalaš álbmogat nannejit narratiiva fámu, navigerejit eahpedásálašvuođas ja seammás huksejit ođđa alliansaid rastá nasjonalnálastáhtai, ja dan láhkai hábme mo davviguovllut oidnojuvvjit ja gii beassá muitalit muitalusaid.

Goas: Miessemánu 14b. 2026, 11:30 – 12:30
Gos: Marché du Film, Palais Stage (Palais -1) & Online, Cannes

Mii dáhpáhuvvá go árktalaš álbmogat barget riikkarájiid rastá, beroškeahttá gielaid ja kolonnahistorjjá, ja nu hukse oktasaš filbmavuogádaga? Makkár ođđa muitalusat ihtet go árktalaš guovlu ii leat šat duogábealde, muhto mas geahčastat čuožžila? Ja movt sáhttá álgoálbmotfilbma doarjut stuorit politihkalaš lihkadusaid? Eamiálbmogiid filmmaid geahččanguovllu bokte áigot dát ovddasteaddjit ja ásahusat čalmmustahttit movt eamiálbmotorganisašuvnnat leat:

  • Muhttit ahte árktalaš davviguovllut leat objeaktan, dasa ahte árktalaš guovllut leat geahčastaga vuolggasadjin
  • Hukset sirkumpolára kreatiiva oktavuođaid
  • Nannet Narratiiva iešmearrideami oktanaga politihkalaš iešmearridemiin
  • Posisjoneret davviguovlluid fápmun muitaleamis

Oasseváldit panelas
Emile Hertling Péronard, buvttadeaddji, Ánoräk Film (Greenland)
Jason Ryle, CEO, Arctic Indigenous Film Fund (AIFF)
Kerry Swanson, CEO, Indigenous Screen Office (ISO)
Anne Lajla Utsi, direktevrra, International Sámi Film Institute (ISFI)

Panela ságastallama jođiija
Melanie Nepinak Hadley, VP, Indigenous Screen Office

Loga eambbo lágideami birra dás

 

MARCHÈ DU FILM BIRRA

Marché du Film vuostáiváldá jahkásaččat 15 000 oassálasti miehtá máilmmi Cannesii, Frankriikkas. Marché du Film lea Cannes filbmafestivála ealáhusguoibmi. Dat lea okta máilmmi stuorámus filbmamárkaniin, gosa filbmasuorggi ámmátolbmot čoahkkanit oastit, vuovdit, ruhtadit filmmaid, ja čatnat fierpmádatoktavuođaid. Dat addá vejolašvuođa filbmadahkkiide, buvttadeddjiide, distributevrraide, vuovdinovddasteddjiide ja eará fágaolbmuide beassat šiehtadallat, čájehit filmmaid ja digaštallat filmmaid birra. Loga eambbo Marché du Film – Festival de Cannes 2026 birra dás.