Neahttaseminára: Álgoálbmot muitalusat Árktalaš guovllus

Filmmaiguin ja dáinna ahte leat oidnosis riikkaidgaskasaččat, sáhttit mii váikkuhit álgoálbmot kultuvrraid, olbmuid ja gielaid menestupmái.
Duorastaga geassemánu 17. beaivve sáhtát searvat nuvttá neahttaseminárii, mas filbmadahkkit ságastallet álgoálbmot filbmaovttasbarggu dehálašvuođas ja mearkkašumis.

 

Sáhtát oahppat eanet álgoálbmot muitalusain ja muitalanvugiin árktalaš guovllus ja mo dát laktása filbmadahkamii. Beasat maid gullat mo ovttasbargu váikkuha árktalaš guovllu álgoálbmogiidda ja beavválaš eallimii sin servošiin – servošiin mat rahčet dálkkádatrievdamiin ja ekonomalaš ja sosiála rievdademiiguin, ja maiddái mo Árktalaš Álgoálbmot Filbmafoanda čantá álgoálbmot filbmabirrasiid oktii.

Neahttaseminára addá áddejumi vugiid birra, maiguin muitalusat, muitalanvuogit, ovttasbuvttadeamit, álgoálbmot oktavuođat ja filbma ja media infrastruktuvrra huksen dahká árktalaš guovllu álgoálbmogiid gievrrabun. Dat čájeha maiddái mo dát áššit sáhttet dahkat min guovlluid, kultuvrraid ja muitalusaid miellagiddevažžan ja geasuheaddjin globála filbmaindustriijai.

Neahttaseminára lágiduvvo geassemánu 17. beaivve 2021, 13:00 Norgga áiggi (11:00 am GMT)

Neahttaseminára Youtube liŋka:

https://www.youtube.com/watch?v=zcFa5mLotv8
Dát neahttaseminára báddejuvvo.

Moderáhtor:

Liisa Holmberg, Internašunála Sámi Filbmainstituhta Filbmakonsuleanta, Sápmi

Oasseváldit:

Pipaluk K. Jørgensen, Bagadalli/Buvttadeaddji, Ruonáeana

Sardana Savvina, Buvttadeaddji, Sakha (Yakutia), Ruošša

Alethea Arnaquq-Baril, Buvttadeaddji/Bagadalli, Nunavut, Kanáda

Nyla Innuksuk, Bagadalli, Nunavut, Kanáda

Anne Lajla Utsi, Internašunála Sámi Filbmainstituhta direktevra, Sápmi

Fina neahttasiidduin jos háliidat diehtit eambbo Árktalaš Álgoálbmot Filbmafoanddas.

Internašunála Sámi Filbmainstituhtta Guovdageainnus lágida neahttaseminára. ISFI maiddái hovde UArctica Árktalaš Álgoálbmot Filbma Temafierbmádaga.