Olu ođđa sámi filmmat TIFF:s

Earenoamáš olu ođđa sámi filmmat čájehuvvojit dán jagá Tromssa Internašunála Filbmafestiválas, mii lágiduvvo Romssas ođđajagimánu 17.-23. beivviid 2022.

Dát lea olahusjahki go filbmaprográmmas leat 11 sámi filmma. Njealji sámi filmmas lea vuosttaščájáhus. Dat filmmat leat Boso mu ruovttoluotta – breathe me back to life, Radji, The Silence in Sápmi ja A precious cargo.

Filmmat maid ISFI lea ruhtadan:

• Boso mu ruovttoluotta – breathe me back to life (bagadalli Sunna Nousuniemi)
• Radji (bagadalli Georg Götmark, John Erling Utsi)
• Háldi (bagadalli Ann Holmgren)
• The Silence in Sápmi (bagadalli Liselotte Wajstedt)
• Koftepolitiet (bagadalli Egil Pedersen)
• Eatnameamet – Min jaskes dáistaleapmi (bagadalli Suvi West)
• Filbmakonsearta: Elle Márjá Eira – Ealát (bagadalli Elle Márjá Eira)
• Chihiro ilmmiid gaskkas (bagadalli Hayao Miyazaki. Sámegillii dubben ISFI)

Lassin čájehuvvojit dát sámi filmmat filbmafestiválas:

• Postkapitalistisk Arkitektur-TV: Gumpi (bagadalli Ken Are Bongo, Joar Nango)
• Kímmapiiyipitssini: The Meaning of Empathy (bagadalli Elle-Máijá Tailfeathers)
• A precious cargo (bagadalli Maria Fuglevaag Warsinska-Varsi)

Filbmaprográmmas lea maiddái dokumentárafilbma Boazovázzi, mii lea filbmejuvvon Ávžžášjávrris, Suoma Giehtaruohttasis ja man Joonas Mattila ja Jeffrey Roekens leaba ráhkadan.