PORSLIN oažžu buvttadandoarjaga

ISFI juolluda 1.5 MNOK buvttadeapmái

Guhkesfilbma Porslin oažžu oktiibuot 1.5 MNOK buvttadandoarjaga dán jagi goalmmát juolludanvuorus.

---

PORSLIN

Guhkes filbma / Čálli: Ann Aurebekk / Bagadalli: Ann Aurebekk / Buvttadanfitnodat: Rein Film AS / Buvttadeaddji: Aleksander Olai Korsnes, Mathis Ståle Mathiesen / Co-buvttadanfitnodat: Iris Film AB / Juolluduvvon: 1.500.000 NOK

Unná bárdnáš gáddjojuvvo jápmimis eatnis čoavjjis. Bajásšattadettiin lahka-jápmin vásáhusat geasuhit su. Seammás son ii dieđe mo son galgá iežas eallima eallit. Bárdni mearrida máhccat iežas sámi áhkkus lusa oahppat eanet eatnásis birra, muhto maid son gávdná lea eanet rievddadeaddji go livččii vuordán.

---

Bagadalli ja čálli Ann Aurebekk

Ann Aurebekk lea sámi bagadalli, čálli ja govvejeaddji gii bargá iešguđet govvadáidda vugiin. Son lea maid bargan ÁRRAN 360° filmmain Ovias ja Ovias 2.

---

Buvttadandoarja ulbmil

Doarjaga ulbmil lea sihkkarastit sámegielat filbmaprošeavttaid buoremus vejolaš kvaliteahta ja nannet sámi filbmadahkkiid ja buvttadeddjiid.

ISFI buvttadandoarjaga ohcanáigemearit leat njelljii jagis: guovvamánu 1. beaivi, miessemánu 1. beaivi, čakčamánu 1. beaivi ja juovlamánu 1. beaivi.