Sámi ja Arktálaš álgoálbmot buvttadeaddjit oassálastet: Marhcé du Film, Cannes 2023

Arctic Indigenous Film Fund (AIFF) ja Internášunála Sámi filbma instituhtta, fárrolagaid Indigenous Screen Office (ISO) Canadas lágidit čoahkkimiid ja filbmačájáhusaid Cannes filbma festiválas 2023.

Liisa Holmberg (AIFF) & Anne-Lajla Utsi (ISFI) Cannesas.

Mii presenteret Arktálaš álgoálbmot filbmadahkkiid ja sin bargguid:

Linn Henriksen, buvttadeaddji, Ruoŧŧa / Sápmi
Oskar Östergren Njajta, buvttadeaddji, Norga / Sápmi
Emile Hertling Péronard, buvttadeaddji, Ruonáeatnan

Filbmadahkkit ožžot dán bokte njuolga oktavuođa máilmmi filbma márkaniide. Filbmadahkkit besset deaivvadit filbmaruhtadeaddjiin ja vuovdinfitnodagain, ja pitchejit filmmaideaset. Deaivvadeamit sáhttet maid dagahit ahte filmmat ostojuvvojit dál dahje boahtte áiggis.

Ahte filbmadahkkit leat mielde dán Árktalaš álgoálbmot filbmadelegašuvnnas addá eanet fuomášumi filbmadahkkiide ja sin filmmaide. Boađus galgá maid leat ahte filbmadahkkiin lea geaidnu profešuneala filbma márkanii nu go Cannes Marché du Film. Dát addá maid hárjáneami boahtteáigái dákkár dilálašvuođaide searvat, lea buorre filbmadahkkii Cvii ja lokte maid sin luohtehahttivuođa globála filbma márkanis.

Goas: Miessemánu 17.b-21.b 2023

Gos: Canada Pavilion, Scandinavian House / Marché du Film

Eanet dieđut ja prográmma: Liisa Holmberg, filbmakonsuleanta, liisa.holmberg@aiff.no, +47 930 36 145