GIELLAVAHKKU 2025: GEAHČA SÁMI FILMMAID
Almmuhuvvon: 08.10.2025
GEAHČA SÁMI FILMMAID GIELLAVAHKKU 2025
Sámi filmmat leat dál beaggimin kinoin meahttá Sámi. Iskka du báikkálaš kino leat go sis čájáhusat. Jos ii leat, de sáhttá sin sihtat bidjat čájáhusa. Báikkálaš searvvit ja giellaguovddážat čájehit maid filmmaid Giellavahkkus: váldde oktavuođa du báikkálaš giellaguovddážiin.
Sámi filmmat olahit guhkkás máilmmis. Dás oainnát makkár ođđa Sámi ráiddut, guhkesfilmmat ja oanehisfilmmat leat festiválain jođašeamin dál.
Jos háliidat geahččat filmmat ruovttus, iskka min streamenbálválusa Sápmifilm dahje eará streamenbálvalusaid. Loga eambbo dás vuollelis.
SÁMI FILMMAT KINOS DÁL
Dá leat Sámi filmmat mat leat kinoin dál. Iskka du báikkálaš kino leat go bidjat čájáhusa. Jos eai, de sáhttá sihtat sin dahkat dan.
BIRU UNJÁRGA / MY FATHERS´ DAUGHTER
78 min | 6+ | Davvisámegiella | Egil Pedersen
SÁMI: Filbma lea 15 jahkásaš Elvira birra gii ii riekta heive Unjárgga gillái, gos son orru. Vuostálvuođas Elvira viggá nannet iežas bealledánskalaš identitehta, go su eadni šattai áhpeheapmin šattolašvuođaklinihkas Danmárkkus. Elvira niegada čáffa dánska áhči gii sáhtašii veahkehit su čoavdit eallima váttisvuođaid. Muhto moivii čuožžila go su duohta áhčči iđista.
Gos sáhttá geahččat filmma? Iskka du báikkálaš kinos. Sii sáhttet váldit oktavuođa distributevrrain gii jođiha filmma:
Čájáhusat suomas, váldde oktavuođa: Bent Blomqvist, Finlandssvenskt filmcentrum: bent.blomqvist@filmentrum.fi
Čájáhusat ruoŧas, váldde oktavuođa: Nils Andersson, Smorgasbord Picture House: nils@smorgasbordpicturehouse.se
Čájáhusat norggas,váldde oktavuođa: Bygdekinoen, kundeservice@bygdekinoen.no – dahje kinosystema ektui booking@ymermedia.no.
KAYARA – FEARÁNAT INKARIIKKAS
2025 | 90 min | 6 + | Davvisámegiella | Dubben: Duottar Studio ovttasbargguin Another World Entertainment
SÁMI: Inka-viehkkit dahje -sátnedoalvut ledje falit ja gievrrat, ja sii ledje álo dušše bártnit ja dievddut … gitta dassážii go Ainbo oambealli Kayara bođii viega. Kayara lea nieida, ja son háliida šaddat vuosttaš nieida gii searvá erenoamáš sátnedoalvu-jovkui, Chasquis. Go oažžu vejolašvuođa gilvalit inkakeaisára sátnedoalvugilvvus, de son gárvoda bárdnin. Su buoremus ustit, hearvás márspiidni, lea álo mielde guoibmin ja veahkkin. Go Kayara duohta identitehta almmustuvvo, de áigot ráŋggáštit su, muhto nuorra, ođđa keaisár Paullu doarju ja rámida su. Kayara lihkostuvvá šaddat Chasqui ja fuomáša erenoamáš historjjáid riikka ja álbmoga birra. Ráhkkan gelddolaš dáhpáhusaide, ja gádjut riikka.
Gos oainnát filmma? Norgga bealdi sáhttá sihtat kino čájehit filmma. Báikkis gos ii leat kino sáhttá sihtat Bygdekino bokte čájehit filmma: kundeservice@bygdekinoen.no. Eará čájeheamit giellaguovddážiin dahje báikkegottiin Sámis: váldde oktavuođa eva@isfi.no, ja mii veahkehat din.
RIEBAN JA NJOAMMIL GÁDJUBA VUOVDDI
71 min | Buohkaide | Davvisámegillii | Dubben: Duottar Studio ovttasbargguin Another World Entertainment
SÁMI: Mádjit, iešheanalaš ja guolgás unna ealláš, lea hui rámis iežas bargguin: Máilmmi stuora buođuin. Guokte roahtu leaba su veahkehan buođđut joga. Ja de álget ártegis dáhpáhusat vuovddis: Skuolfi jávká, roahtut rigerejit ja buohkat ballet ahte dulvi billista elliid biejuid. Rieban ja njoammil ferteba gávdnat skuolffi ja gádjut sin ruovttuid!
Gos oainnát filmma? Norgga bealdi sáhttá sihtat kino čájehit filmma. Báikkis gos ii leat kino sáhttá sihtat Bygdekino bokte čájehit filmma: kundeservice@bygdekinoen.no. Eará čájeheamit giellaguovddážiin dahje báikkegottiin Sámis: váldde oktavuođa eva@isfi.no, ja mii veahkehat din.
Jos ii leat kino du lahka, ja háliidat čájehit Sámi filmma du báikkegottis dahje Giellaguovddážia?
Váldde oktavuođa, mii veahkehat du!
SÁMI FILMMAT RÁVDNJENBÁLVÁLUSAIN
Min rávdnjensiiddu bokte sáhtát geahččat sámi ja eará álgoálbmot oanehis-, dokumentára- ja guhkesfilmmaid. Lea heivehuvvon sihke priváhta geavaheapmái ja almmolaš ásahusaide. Geavaheaddji bokte, mii máksá 59,- mánnui, beasat válljet measta 200 filmma gaska mat mis leat min siiddus. Muhtin filmmat ferte láigohit sierra.Jus háliidat čájáhusa lágidit dahje oahpahusas čájehit filmma, sáhtát dahkat dan Sápmifilm abonemeantta bokte. Eará lágidemiide ferte sierra šiehtadus. Sápmifilmmas gávnnat sihke Ofelaš (1987), Guovdageainnu stuimmit (2008), Sameblod (2016), ja ođđasit filmmat nu go Eallogierdu (2023) ja dokumentára Máhccan (2023). Vállje fálu mánáidfilmmat jos áiggut geahččat dubbejuvvon mánáidfilmmaid.
Jos áiggut filmma čájehit filmma oahpahusas dahje jos ii leat kommersiella oktavuođas, de sáhttá dan dahkat Sápmifilm bokte. Eará čájáhusat gáibidit sierra šiehtadusa.
JUŊGELVEAHKA
Davvisámegillii
2024 | 7+ | 1t 28 min | Dubben: Duottar Studio ovttasbargguin Another World Entertainment
Eambbo dieđut filmma birra dás.
AJuŋgelis leat váttisvuođat. Muhtin bahás vearredahkki háddje mirkkolaš rosa soarppi juŋgelii, mii bávkkeha jus čáhci riššá njeaiga. Ja váile mánu geahčen álgá arveáigi. Gii nagoda gádjut buot elliid? Juo, Juŋgelveahka dieđusge! Dál fertejit tigerpingviidna Maurits, Girdine, Albert, Al ja Bob ja banánaváibmilis Miguel vuolgit mátkkoštit váriid badjel ja vákkiid mielde, sáttomehciid čađa ja ábiid rastá ohcat vuostemirkko mii sáhtášii bissehit rosa soarppi. Lea ain áigi gádjut juŋgela! Muhto dán háve manná Mauritsa ja su ustibiid doaibma MEASTA ENDORII!
BOVTTÁŠVÁRRI
North Sámi
2023 | A | 1t 20 min | Dubben: Duottar Studio ovttasbargguin Another World Entertainment
Mer om filmen.
SÁMI: Bovttážat Ena ja Baba orruba ráfálaš sullos guhkkin mearas. Ovtta geasi bohtet amas guossit, lottážat mat leat báhtaran davás dálkkádat rievdademiid dihte. Ena, Baba ja eará báikkálaččat ožžot ođđa ustibiid, muhto máiddái ođđa hástalusaid. Erenoamáš gelddolaš šaddá go monni jávká. Nagodit go lottážat gávdnat moni ovdal dálkkáska?
ENG: The puffins Una and Baba live on a peaceful island far out at sea. One summer, they are visited by a group of unfamiliar birds who have fled north because of climate change. Una, Baba, and the other islanders make new friends — but also face new challenges. Things get even more exciting when an egg mysteriously disappears. Can the little birds find the egg before the storm hits the island?
KARDEMOMME-GÁVPOT
North Sámi
2023 | A | 1t 19min | Dubben: Duottar Studio ovttasbargguin Another World Entertainment
Read more about the film.
It don galgga givssidit, leage šiega álohii, muđui dagat juste nu go háliidat. Geahča Thorbjørn Egnera bivnnuhis muitalusa Kardemomme-gávpoga birra áibbas ođđa animašuvdnafilmmas mii heive olles bearrašii! Deaivvat dainna golmmain rievváriin, Sofe-siesáin ja politiijameasttir Bastianiin dán eallasis ja girjás filmmas, ja guldal buot daid oahpes lávlagiid ođđa hámis.
See Thorbjørn Egner’s beloved story of Kardemommeby in this animated film for the whole family! Meet the three robbers, Aunt Sofie, and Constable Bastian in this energetic and colorful adaptation — featuring all the well-known songs in a fresh new version. And best of all: everyone speaks Sámi.
EANNU MU OLLE RUOKTOT / MUAHRA MU GÅATAN GAAVNA
Davvi sámegiella ja lulli sámegiella
2022 | A | 1t 5min | Dubben: Duottar Studio ovttasbargguin Another World Entertainment
Luste, baahkes jïh klaeriedihks orre guhkiesfilme dan slïekte jïh gieries Muohra Mu jïh gïerhkemen bïjre. Filme lea göökte sjiere almetji bïjre mah ektesne tjahkasjieh jïh jieleden stoerre onterdimmieh dååjrehtieh.
Somás, liekkus ja ivdnás ođđa guhkesfilbma bivnnuhis ja ráhkis Eanni Muu ja garjja birra. Filbma lea iešguđetlágan olbmášguovtto birra, geat fárrolaga duŧkaba ja vásiheaba eallima stuora ipmašiid.
OTHER STREAMERS
NETFLIX: STOLEN
Davvisámegillii
2024 | 13+ | 1t 47 min
Filbma lea nuorra sámi nissona rahčama birra seailluhit árbevirolaš máhtu máilmmis gos ballu earálaganvuhtii lassána, dálkkádatrievdadeapmi áitá boazodoalu, ja nuorat válljejit sorbmet iežaset heađis.
A young Sámi woman has a personal motive for tracking down a killer in this moving drama inspired by true events.
NETFLIX: CHIHIRO ILMMIID GASKKAS / SPIRITED AWAY / CHIHIRO OG HEKSENE
Davvisámegillii
2015 | 9+ | 2t 5min
Bearaš lea fárremin ođđa gávpogii eret ruovttuguovllus, dan dihte 10-jahkásaš Chihiro lea eddon. Dán váivves dilis áhčči vel moive go vuodjá endorii ja bearaš láhppo vuovdái, imašlaš tunnealla lusa. Tunnealla nuppi geažis gávdno hilgojuvvon gávpot, gos várutmeahttun váhnenguovttos ihttohallába spiidnin. Chihiro ferte ceavzit amas birrasis ja bargat Yubaba-nammašas noaiddi lávggodanvisttis boares ipmiliiguin. Lihkostuvvágo Chihiro cuvket geaiduma?
DISNEY: JIKŊON II
Davvisámegillii
2019 | 6 + | 101 min
Jienaš bovde Elsa imašlaš vuovddi sisa. Elsa háliida diehtot gos su fámut čuožžiledje, ja vuolgá mátkái Annain, Kristoff, Olaf ja Svenain.
APPLE TV: GUMPEHÁMIS / WOLFWALKERS
Davvisámegiella
2022 | 9+ | 1t 50min
Nuorahaš Robyn háliida veahkehit áhčis bivdit gumppiid, muhto oažžu čielga dieđu bissut ruovttus. Son aŋkke njáhká olggos. Vuovddis deaivá son movttegis ja imašlaš nieiddaža, gean olbmot ihkku nuppástuvvet gumpen. Gumpehámis lea dego jorribiegga mas lea sihke folklore, čáppa musihkka ja hearva čakčaivnnit ja lea okta dain dán áigásaš rámiduvvon animašuvdnafilmmain.
Gažaldagat? Váldde oktavuođa:
Eva Måsø, eva@isfi.no / +47 975 60 589 / Gulahallankonsuleanta
Čájáhusat Guovdageainnus? Váldde oktavuođa Anna Risten Bongo, annaristen@isfi.no / Prošeaktakoordináhtor