Buvttadanohcamiid áigemearri: čakčamánu 1.b.

OZA BUVTTADANDOARJAGA

Internašunála Sámi Filbmainstituhta čavčča buvttadandoarjagiid ohcanáigemearri lahkona. 

Ohcanáigemearri lea čakčamánu 1. beaivvi 2024.

Sáhtát ohcat doarjaga dokumentáraid, guhkesfilmmaid, TV-ráidduid, oanehisfilmmaid dahje animašuvnnaid buvttadeapmái, buot šáŋŋeriin ja maiddái eará formáhtain.

Buvttadandoarjaga ulbmil lea sihkkarastit filbmaprošektii buoremus vejolaš kvaliteahta. Loga eanet doarjjaga ulbmila birra dás. Doarjja addojuvvo maid váikkuhan dihte dihtomielalašvuođa Sámi filmma hárrái ja nannen dihte fágamáhtolašvuođa Sámi filmma birra sihke álbmoga ja filbmabargiid gaskkas.

ISFI buvttadandoarjaga ohcanáigemearit leat njelljii jagis: guovvamánu 1. beaivi, miessemánu 1. beaivi, čakčamánu 1. beaivi ja juovlamánu 1. beaivi.

Eanet dieđut:
Jenna Elisabet Rasmus Pulk, Hálddahusjođiheaddji
+47 412 66 902
jenna@isfi.no