Čieža ođđa sámi filmma ožžot buvttadandoarjaga

ISFI buvttadandoarjagat 2,3 millijuvnna NOK

Okta animašuvdnafilbma, okta dokumentárafilbma, okta guhkes filbma ja nealje oanehisfilmma ožžo dán vuoro doarjaga:

SAAJVEN JÏH ELMIEN GASKE
Animašuvdnafilbma / Buvttadanfitnodat: Bautafilm AB / Bagadalli: Oskar Östergren Njajta / Juolluduvvon: 500.000 NOK
Oarbánat Bräjta ja Aanta ferteba gáddjut buot máhttu máilmmis, ja gávdnat muorrabázzi Oksaahka maid garjá Voerhtje ja bahás Staaloe leat suoládan Saajve máilmmis.

GOSA JÁVKKAI LUOSSA
Dokumentára filbma / Buvttadanfitnodat: Govas Film AS / Bagadalli: Harry Johansen / Juolluduvvon: 200.000 NOK
2021 bissehedje Norgga/Suoma eiseválddit buot luossabivddu Deanu čázadagas ja vuonas. Sivva lei badjelmearálaš bivdu. Makkár váikkuhusaid buktá dát álbmogiid geat leat duhátii jagiid bivdán guoli? Ja lea go badjelmearálaš bivdu? Barentsáhpi lea liegganan 1,5 grádain maŋimuš 20 jagi. Dasa lassin vásihit eará álgoálbmogat geat bivdet luosa dan seammá.

ÁRRU
Guhkes filbma / Buvttadanfitnodat: Elle Sofe dansekompaniet ja Stær / Bagadalli: Elle Sofe Sara / Juolluduvvon: 500.000 NOK
Musikála guođoheaddji Maia birra gii dáistališgoahtá guohtoneatnamiid bilideami vuostá. Go dáistaleapmi gižžu garrá, Maia oahppá ahte jođiheaddji lea illásteaddji. Son ferte válljet: galgá go son orrut jaska ja gáddjut bearraša árbbi, vai jienádit ja bissehit illásteami servvodagas?

IN MY HAND
Oanehis filbma / Buvttadanfitnodat: Paranord Film / Bagadalli: Liselotte Wajstedt ja Marja Helander / Juolluduvvon: 300.000 NOK
Filbma vuođđu lea Niillas Somby eallinmuitalus. Son lea okta njunnošis gii dáistalii Áltástuimmiin 1970-ja 1980-logus. Niillasa oassálastin oaččui duođalaš bohtosiid, ja dát boahtá su čuovvut loahppa eallima. Filbma gieđahallá gažaldagai mat otná máilbmái leat relevánta. Makkár oaffaruššamiid dagašit iežas álbmoga nammii, ja mo jurddaša Niillas sámi álbmoga boahtteáiggi birra.

GUSTO GUSTO
Oanehis filbma / Buvttadanfitnodat: Maigon Film AS / Bagadalli: Marja Bål Nango / Juolluduvvon:  200.000 NOK
50-jahkásaš Ánte vásiha hástalusaid gávpogis, ja iežas mátkis dohkkeheapmái ahte son lea homofiilla.

ÁRRAN 360
Oanehis filbma / Buvttadanfitnodat: Forest People AS / Bagadalli: Ánna-Katri Helander / Juolluduvvon: 300.000 NOK
Lea lávvordat ja verddežagat Sara, Eila, Johan, Mahtte ja Issat leat vuolgimin márkanastit. Olles gilli galgá čoahkkanit Elias keallárii, ovdalgo jotket Maras pubii. Muhto mo sii galget beassat dohko? Mahtte lea jo nu juhkaluvvan ahte vuovssada, ja áidna fievru lea njealjjejuvllat. SIi leat jo ovdal gávnnahallan menddo máŋgasat dainna vuoddjimin.

DUHÁSTEADDJIT
Oanehis filbma / Buvttadanfitnodat: Rein Film Finnmark AS / Bagadalli: Silja Somby / Juolluduvvon: 300.000 NOK
Deanus ráhkkanahttá fanas párrala njunnegeahččái. Go dolla buoláska hoigada Bigga fatnasa fávlái. Fanas rievdá rávnnji mielde ja deaivvada eará fatnasiin main lea maid dolla ovdageažis. Go fanas rievdá oaidnit mii seammás Deanu sevdnjes historjjá. Rievddadehtiin šaddet fatnasat fárrolagaid ođđaáigásaš duhasteaddjit, čájehan dihte 150 jagi vuosttáldeami.

Buvttadandoarja ulbmil

Doarjaga ulbmil lea sihkkarastit sámegielat filbmaprošeavttaid buoremus vejolaš kvaliteahta ja nannet sámi filbmadahkkiid ja buvttadeddjiid.

ISFI buvttadandoarjaga ohcanáigemearit leat njelljii jagis: guovvamánu 1. beaivi, miessemánu 1. beaivi, čakčamánu 1. beaivi ja juovlamánu 1. beaivi.