Golbma ođđa sámi filmma ožžot buvttadandoarjaga
Almmuhuvvon: 12.06.2024
ISFI juolluda oktiibuot 1.4 millijuvnna NOK buvttadeapmái
Guokte oanehis filmma ja okta dokumentára ožžot oktiibuot 1.4 millijuvnna kruvnnu dán jagi nuppi juolludanvuorus:
ČIEŽA ČÁHPPES CIZÁŽA
Dokumentára / Buvttadanfitnodat: Govas Film AS / Čálli: Harry Johansen / Bagadalli: Harry Johansen / Juolluduvvon: 300.000 NOK
Mii dáhpáhuvva go sápmelaš, Åsta Jensen, gii lea analfabehta galgá oahpahit nuppi sápmelažžii Jon Rønningen, guhte ii máhte ii maidige sámi gielas? Filmmas vuolgit mátkái gávdnat sámi giela čoavdaga. Mátkkis maiddái gávdnat bohtosiid dan garra dáruidduhttimis maid dáža stáhta lea čađahan.
VIELLE
Oanehis filbma / Buvttadanfitnodat: TV Klipp AS / Buvttadeaddji: Camilla Drege Arntsen, Leammuid Biret Rávdná / Čálli: Ole Henrik Lifjell / Bagadalli: Camilla Drege Arntsen / Juolluduvvon: 500.000
Vielle lea oanehis filbma iešsoardima birra, muhto guoskkaha maid giela, kultuvrralaš erohusaid, nállevealaheami, ipmárdusa, ustitvuođa, románssa, bearašdynamihka, favoriserema, máhtolašvuođa, buozalmasvuohta, vuordámušaid, ovdagáttuid, vaši, ráhkesvuođa ja maskulinitehtas.
VIELLJAŽAGAID IEŽASKA JÁHKKU / BROTHERS OF FAITH
Oanehis filbma / Buvttadanfitnodata: Forest People / Buvttadeaddji: Per Josef Idivuoma, Libby Hakaraia, Mathis Ståle Mathisen / Čálli: Per Josef Idivuoma / Bagadalli: Per Josef Idivuoma / Juolluduvvon: 600.000
Vieljažaga guovttos rahčaba beassat leahkit mánát, ja gáržžes seainnit kolonialisttaid internáhtas ii dagat ášši álkibut. Oanehis filbma mo mánáid eallin lei internáhtaskuvllas 1960-logus. Duohta muitalus Niillas ja Ande Somby vieljažiid birra.
Buvttadandoarja ulbmil
Doarjaga ulbmil lea sihkkarastit sámegielat filbmaprošeavttaid buoremus vejolaš kvaliteahta ja nannet sámi filbmadahkkiid ja buvttadeddjiid.
ISFI buvttadandoarjaga ohcanáigemearit leat njelljii jagis: guovvamánu 1. beaivi, miessemánu 1. beaivi, čakčamánu 1. beaivi ja juovlamánu 1. beaivi.