BIRU UNJÁRGA válljejuvvon Eurohpa buoremus filmmaid searvái
Almmuhuvvon: 26.09.2024
EAROPEAN FILM AWARDS 2024: Biru Unjárga válljejuvvon Eurohpeálaš buoremus filmmaid searvái
Eurohpeálaš Filbma Akademiija (EFA) lea válljen Egil Pedersena filmma Biru Unjárga listui mas leat filmmat mat sáhttet nominerejuvvot filbmabálkkašupmái European Film Awards.
– Mii leat hui rámis go Egil Pedersen Biru Unjárga lea válljejuvvon. Dát čájeha ahte sámi filbma beaggá, ja ahte min muitalusat leat dehálačča eurohpas ja internášunála lávddis. Mii leat nu movttegat go čeahpes ja áŋgiris sámi filbmadahkkit ráhkadit erenoamáš buori filmmaid mat deivet internašunála gehččiid, dadjá direktevrra Anne Lajla Utsi.
Dál leat 45 filmma maid EFA stivrra leat evttohan akademiija lahttuide vai sii sáhttet válljet guhte filmmat galget nominerejuvvot Europen Film Awards 2024. Dás ovddosguvlui gehččet akademiija 5000 miellahttu evttohuvvon filmmaid, ja jienastit dasto makkár surggiide filmmat galget evttohuvvot. Suorggit leat buoremus eurohpeálaš filbma, buoremus bagadalli, buoremus nisson neavttár, buoremus dievdoneavttár ja buoremus čálli.
Skábmamánu 5. beaivvi 2024 almmuhuvvo makkár filmmat leat válljejuvvon dáid surggiidde, ja vuoitit almmuhuvvo juovlamánu 7. beaivvi Sveitsas, Lucernas.
Dál lea Egil Pedersena Biru Unjárga eará dovddus sámi filmmaid searvvis mat leat maid válljejuvvon European Film Academy filbmabálkášupmái nu go Nils Gaup’s Pathfinder – Ofelaš ja Amanda Kernell Sámi Blood.
Lassin sáhttet filmmat maid nammaduvvon eará bálkášumiide nu go buoremus europeálaš filbma, čuohppan, buvttadan hábmen, bivttasteapmi, make-up ja vuovttat, nu gohčoduvvon original score, jietna, ja visuála effeavttat. Dáid mearrida sierra jury mas leat gávcci lahttu ieš guđet dáiddasuorggis.
Eanet Biru Unjárgga birra
Filbma lea vuosttaš sámi nuoraid guhkesfilbma. Filbma lea 15 jahkásaš Elvira birra. Son doaivu su eatni šattai áhpeheapmin šattolašvuođaklinihkas Danmárkkus.Elvira niegada čáffa dánska áhči birra gii lea karismathálaš filbmanásti. Muhto su eallin nuppástuvvo go su duohta áhčči iđista.
Bagadalli: Egil Pedersen Genre: Drama Namma: Biru Unjárga Eaŋgalas gillii: My Fathers’ Daughter Dárogillii: Biru Unjárga – Føkkings Nesseby Buvttadan riika: Norga, Ruoŧŧa, Suopma Goas: 2024 Guhkkodat: 78 Giella: Davvisámegiella, dárogiella, eaŋgalasgiella, dánska giella Teaksta: Eaŋgalas, Dárogiella Neavttárat: Sarah Olaussen Eira, Ingá Elisá Påve Idivuoma, Aslat Mahtte Gaup, Sara Sofia Mienna, Amund Lode, Ánne Mággá Wigelius, Sverre Porsanger, Mikkel Gaup, Nikolaj Coster-Waldau Čálli: Egil Pedersen Govvenbagadalli: Anna Myking Buvttadan designer: Emma Skoog Čuohppi/Editor: Thomas Grotmol, Toril Strøm, Geir Ørnholt Jietna design: Johannes Dekko Jietna mixing: Johannes Dekko, Nils Viken Musihkka: Remi Semshaug Langseth, Mathis Ståle Mathisen Buvttadeaddjit: Mathis Ståle Mathisen, Pål Røed, Aleksander Olai Korsnes Co-buvttadeaddjit: Joonas Berghäll, Svante Tidholm, Sandra Warg Buvttadanfitnodagat: Rein Film, Paasan Co-buvttadan fitnodagat: Oktober, Bautafilm, Filmpool Nord
Ruhtadeaddjit: International Sámi Film Institute, Norsk Film Institutt, Nordisk Film & TV Fond, Filmfond Nord, Filmpool Nord, Sámediggi (No), Sámiráđđi, YLE
Eurohpalaš filbmabálkášupmi
The European Film Awards, Eurohpalaš filbmabálkášupmi, maid European Film Academy (EFA) juohke jagi geige, čájeha ereonamášvuođa Eurohpalaš filmmain. Dát lea ávvudoalut Eurohpa buoremus filbmaid gaskka. EFA lea organisašuvdna mii ovddida eurohpalaš filbmabuvttadeami ja mii doarju Eurohpá filbmaindustriija. Leat 5000 miellahtu geat barget iešguđet filbmasuorgiin. Sii loahpalaččat válljejit filmmaid mat leat nominerejuvvon Eurohpalaš filbmabálkkašupmái.